| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » დეკემბერი » 7 » ჯანო ანანიძემ "სპარტაკთან" კონტრაქტი გააგრძელა
16:50 ჯანო ანანიძემ "სპარტაკთან" კონტრაქტი გააგრძელა |
რუსულ ინტერნეტ-სივრცეში გამოჩნდა ცნობა, რომლის თანახმად მოსკოვის
"სპარტაკის" ქართველმა ნახევარმცველმა ჯანო ანანიძემ მოსკოვურ კლუბთან
კონტრაქტი გააგრძელა და მომავალ სეზონშიც ვალერი კარპინის დამოძღვრილ
გუნდში იასპარეზებს.
როგორც ირკვევა, ჯანოს აგენტს ახალი
კონტრაქტის პირობები კარგა ხნის წინ მოუმზადებია და კლუბის მესვეურთათვის
ხელმოსაწერადაც გადაუცემია. ამ უკანასკნელებმა კი, რამდენიმე სერიოზული
კლუბისგან სარფაინი შემოთავაზების მიუხედავად, ნიჭიერი ქართველი ჭაბუკის
გასხვისება ნაადრევად მიიჩნიეს და ახალ პირობებზე, მათ შორის ხელფასის
გაორმაგებაზე თანხმობა განაცხადეს.
- პირობებზე შევთანხმდით.
კლუბის ხელმძღვანელობას ამ პერსპექტიული ლეგიონერის თავის რიგებში აღზრდა
სურს და ამიტომ, მას არანაირი თანხის სანაცვლოდ შეელევა, - განუცხადა Life
Sports-ს ანანიძის აგენტმა, რომლის თქმით, "სპარტაკის" ხელმძღვანელობა
ქართველზე დიდ იმედებს ამყარებს.
როგორც რუსული ინტერნეტსაიტი
აცხადებს, ჯანო წელიწადში 800 ათას დოლარს მიიღებს. ამასთან, მისი
ანაზღაურება ყოველ სეზონში 15%-ით გაიზრდება.
შეგახსენებთ, რომ
ანანიძემ "სპარტაკთან" სამწლიან კონტრაქტს ხელი შარშან ზაფხულში მოაწერა.
ახალი კონტრაქტით კი ქართველი ჭაბუკისა და "თეთრ-წითლების" კავშირი 2013
წლამდე გახანგრძლივდა. როგორც თავად რუსები ამბობენ, "ქართველ მესიზე"
ძალზე დიდი მოთხოვნა იყო: მასში საკმაოდ სოლიდური თანხის გაღებაზე
მზადყოფნა ჯერ "ზენიტმა" გამოთქვა, მოგვიანებით კი თვით "მანჩესტერ სიტი"
გააქტიურდა, რომელიც 18 წლის ქართველ ტალანტში 12 მლნ ევროს არ იშურებდა.
|
|
ნანახია: 791 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
