| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » დეკემბერი » 4 » გადაწყდა - 9 თებერვალს სომხეთთან
02:26 გადაწყდა - 9 თებერვალს სომხეთთან |
9 თებერვალი ფიფას მიერ დადგენილი ამხანაგური მატჩების დღეა. ჯერ
უნგრეთის, მერე ავსტრიის, შემდეგ სლოვენიის, ბოლოს კი ლუქსემბურგის
ნაკრებებთან თამაში განიხილებოდა, მაგრამ, მათთან მოლაპარაკებები უშედეგოდ
დასრულდა. ახლახან ფეხბურთის ფედერაციის პრეზიდენტმა ზვიად სიჭინავამ
გვითხრა, რომ 9 თებერვალს ჩვენი ნაკრები კვიპროსზე გამართავდა ამხანაგურ
მატჩს, თუმცა სპარინგ პარტნიორის ვინაობა უცნობი იყო. უცხოელმა აგენტმა,
ვინც ქართულ მხარეს ეს ვარიანტი შესთავაზა, დრო ითხოვა. 9 თებერვლისთვის
კვიპროსზე ორი ქვეყნის ნაკრებების ჩასვლისა და იქ მომზადების ვარიანტი
განიხილებოდა. ამ ორიდან ერთმა თანხმობა უკვე განაცხადა და ჩვენი მეტოქეც
გაირკვა - როგორც გავიგეთ, თებერვალის პირველ დეკადაში კვიპროსს სომხეთის
ნაკრები ესტუმრება.
"უკვე გადაწყვეტილია, რომ 9 თებერვალს სომხეთის
ნაკრებთან გავმართავთ ამხანაგურ შეხვედრას. ძალიან გვინდოდა, უფრო ძლიერ
გუნდთან გვქონოდა სპარინგი, მაგრამ არ გამოვიდა. თუმცა სომხეთთან თამაშიც
არ უნდა იყოს ცუდი ვარიანტი", - გვითხრა ფეხბურთის ფედერაციის ტექნიკურმა
დირექტორმა ნიკა ჩხეიძემ. მისი ინფორმაციით, ქართული კლუბებიდან ნაკრებში
გამოძახებული ფეხბურთელები თბილისიდან 6 თებერვალს ჩაფრინდებიან კუნძულზე,
ლეგიონერები კი გუნდს იქ შეუერთდებიან. საქართველო-სომხეთის ამხანაგური
შეხვედრა ქალაქ ლიმასოლში გაიმართება, თამაშის დაწყების დროზე კი მხარეები
ჯერ არ შეთანხმებულან.
ჩვენი და სომხეთის ეროვნული გუნდები,
შესარჩევ ციკლში ერთ ჯგუფში არ მოხვედრილან. თუმცა სომხებთან ოთხი
ამხანაგური მატჩი გვითამაშია. ჩვენებმა ორი მოიგეს (7:0 და 2:1), ერთხელ
დამარცხდნენ (0:2), ერთიც 0:0 დასრულდა.
ფიფას ნოემბრის რეიტინგში
სომხეთი ჩვენზე 19 საფეხურით წინ, 59-ე ადგილზეა. გუნდის მთავარი
მწვრთნელი ვარდან მინასიანია. ევრო 2012-ის საკვალიფიკაციო ეტაპზე სომხეთი
7 ქულით (4 მატჩში) ჯგუფში მესამე ადგილზეა და ლიდერ რუსეთს 2 ქულით
ჩამორჩება. 7 ქულა აქვს ირლანდიასაც, მაგრამ ბურთების უკეთესი ბალანსითაა
წინ. მინასიანის გუნდს ნოემბერში არ უთამაშია. ეს 7 ქულა სომხებმა ბოლო
სამ მატჩში აიღეს - სექტემბერში მაკედონიაში 2:2 ითამაშეს, ოქტომბერში კი
შინ ჯერ სლოვაკეთი დაამარცხეს 3:1, შემდეგ კი ანდორა 4:0. სომხეთის
ნაკრებში ყველაზე მეტი, 5-5 გოლი რუმინული "უნირეას" თავდამსხმელმა არმან
კარამიანმა და "პიუნიკის" ფორვარდმა ედგარ მანუჩარიანმა გაიტანეს.
ამხანაგური სტატუსის მიუხედავად, ლიმასოლში მეზობლებთან რთული მატჩი
გველის. ჯერ ერთი, ქართულ-სომხური საფეხბურთო პაექრობა, ძველი ტრადიციაა.
მეორეც, სომხებმა რუსეთთან 26 მარტის მატჩამდე გენერალური რეპეტიცია
სწორედ ჩვენს ნაკრებთან დაგეგმეს.
|
|
ნანახია: 730 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
