რამდენიმე წუთის წინ, საქართველოს ეროვნული ნაკრებმა ეროვნულ სტადიონზე დაასრულა მატჩის წინა ვარჯიში. თემურ ქეცბაიას ხვალინდელ შეხვედრაზე კომენტარი არ გაუკეთებია. ფეხბურთელები კი აცხადებენ, რომ ისრაელის ნაკრები საკმაოდ ძლიერი გუნდია და საჭიროა მაქსიმალური მობილიზება. ლევან კობიაშვილის თქმით, ებრაელებს თანაბარდაბალანსებული და ანგარიშგასაწევი გუნდი ჰყავთ და მძიმე თამაში იქნება, თუმცა ქართველი ფეხბურთელები საბრძოლველად მზად არიან და სურთ გაახარონ გულშემატკივრები. საბერძნეთთან გასვლით მატჩში  მოპოვებული ქულა ჩვენს ფეხბურთელებს წარმატების იმედს  კახა კალაძის ინფორმაციით, მატჩამდე ერთი დღით ადრე დასასწრები ბილეთების 30% უკვე გაყიდულია, რაც არის უპრეცედენტო შემთხვევა. გუნდის კაპიტანი ამბობს, რომ ხვალინდელ თამაშზე დიდი მნიშვნელობა ექნება გულშემატკივართა ფაქტორს. კალაძე ხალხს მატჩზე დასწრებას და ნაკრების გვერდზე დგომას თხოვს. ამ წუთებში ეროვნული სტადიონის მოედანზე ისრაელის ნაკრები გადის. ებრაელთა გუნდის ფრანგი მწვრთნელი ლუის ფერნანდესი წარსული გამოცდილების წყალობით კარგად იცნობს ქართველ ფეხბურთელებს და ამბობს, რომ ხვალ ძნელი თამაში იქნება. შეგახსენებთ, რომ ფერნანდესი საქართველოს მეორედ სტუმრობს. პირველად ის ბილბაოს "ატლეტიკის" მთავარი მწვრთნელის რანგში ჩამოვიდა და უეფას ჩემპიონთა ლიგის საკვალიფიკაციო ეტაპის მატჩში თბილისის "დინამოსთან" ანგარიშით 2-0 დამარცხდდა. 

ბექა დოგრაშვილი