27 სექტემბრიდან ტორპედო ქუთაისს ახალი მწვრთნელი ეყოლება. ამიერიდან გუნდს გია გიგატაძე უხელმძღვანელებს. ამასთან დაკავშირებით კლუბის ოფიციალური ვებ–გვერდი იუწყება.

გია გიგატაძეს მრავალწლიანი გამოცდილება აქვს როგორც ფეხბურთელს და როგორც მწვრთნელს. ის სხვადასხვა დროს ტორპედო ქუთაისში, ფოთის კოლხეთში, ზესტაფონში, რუსეთსა და შვედეთში თამაშობდა.

გია გიგატაძე ასევე გახლდათ რამდენიმე გუნდის მწვრთნელი. მისი თაოსნობით ტორპედო ქუთაისი უმაღლეს ლიგაში გადავიდა.

”მოხარული ვარ, რომ საშუალება მომეცა განახლებულ ტორპედო ქუთაისს ვუხელმძღვანელო. არსებული რესურსებით შევეცდები, საუკეთესო შედეგი ვაჩვენო და არაერთი გამარჯვება მოვუტანო ჩვენს გუნდს,”- აცხადებს გია გიგატაძე.

გია გიგატაძის ხელმძღვანელობით ქუთაისური გუნდი 29 სექტემბერს ცხინვალის სპარტაკს შეხვდება.

fanebi.com