| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » სექტემბერი » 2 » მერებაშვილი სერბეთში საუკეთესოაო...
07:15 მერებაშვილი სერბეთში საუკეთესოაო... |
მიხეილ ხუციშვილმა საფეხბურთო კარიერა დაასრულა და მენეჯერობა დაიწყო. 20 წლის ფლეიმეიკერს ზედმეტმა დატვირთვებმა გულის პრობლემები გამოუმზეურა და კარიერის ნაადრევად დასრულება ამიტომ გადაწყვიტა. ის ბოლოს სერბეთში, ნოვი სადის "ვოევოდინაში" თამაშობდა.
ხუციშვილის თქმით, "ვიტესში" ჩაირცხვამდე ესპანეთის პრიმერა დივიზიონის "რასინგში" გადასვლას გურამ კაშიას სთავაზობდა.
"ესპანელები კაშიათი დაინტერესდნენ, მაგრამ გასინჯვას სთავაზობდნენ და არა კონტრაქტს. საბოლოოდ, "ვიტესში" პირდაპირ კონტრაქტით ჩარიცხვის საშუალება გაუჩნდა და ბუნებრივია, ეს უფრო აწყობდა", - ამბობს ხუციშვილი.
მისი რეკომენდაციიით "ვოევოდინაში" თბილისის "დინამოს" შემტევი ნახევარმცველი გიორგი მერებაშვილი აიყვანეს. მართალია, გასული სეზონის შემდეგ, გიორგი კლუბით უკმაყოფილო გახლდათ, მაგრამ წელს საქმეები მშვენივრად აეწყო. სათამაშო პრაქტიკის ნაკლებობა და სათადარიგოებში ჯდომა წარსულს ჩააბარდა, ძირითადში ათამაშებენ და მწვრთნელის იმედებს ამართლებს: სერბეთის პირველობის მესამე ტურში "იავორთან" "ვოევოდინამ" ქართველის დუბლით გაიმარჯვა (2:0) და ნოვისადელები ჩემპიონატს 7 ქულით ლიდერობენ.
"მერებაშვილმა სეზონი ძალიან კარგად დაიწყო და მაგრად თამაშობს. მესამე ტურის მატჩი ისე კარგად ჩაატარა, ტურის ფეხბურთელი გახდა და საშუალო არითმეტიკული მონაცემების შეჯამების შედეგად, ქულების საუკეთესო მაჩვენებლით სერბეთის ჩემპიონატის საუკეთესო მოთამაშეთა სიას ლიდერობს".
ხუციშვილი გვიმხელს, რომ მალე ესპანეთში ქართველი ბავშვების წაყვანას აპირებს: "საქართველოში ორი ნიჭიერი ბავშვია, რომლებსაც უცხოეთში მოწყობაში ვეხმარები. გვარების დასახელება ჯერ არ მინდა, მაგრამ ის კი შემიძლია გითხრათ, რომ ისინი წლის ბოლომდე "დეპორტივოს" დუბლებში ჩაირიცხებიან. ამას გარდა, დიდი შანსია, საქართველოს ჩემპიონატში დასაქმებული ორი ფეხბურთელი ევროპის ერთ-ერთ გუნდში გადავიყვანო".
"ლელო"
|
|
ნანახია: 857 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
