| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » ივლისი » 8 » თბილისში საერთაშორისო ტურნირის ჩატარება იგეგმება
19:07 თბილისში საერთაშორისო ტურნირის ჩატარება იგეგმება |
 მიმდინარე წლის ოქტომბრის თვეში, თბილისში საერთაშორისო საფეხბურთო ტურნირის ჩატარება იგეგმება, რომელშიც საქართველოს ახალგაზრდულ ნაკრებთან ერთად ბრაზილიის, არგენტინისა და ურუგვაის 21 წლამდელ ფეხბურთელთა ნაკრები გუნდებიც მიიღებენ მონაწილეობას. ტურნირის ორგანიზატორის - ნიკო პატარქალიშვილის განცხადებით, სამხრეთ ამერიკიდან მსოფლიო ჩემპიონი ქვეყნების ახალგაზრდული ნაკრებების ტრანსპორტირებისა და მათ საქართველოში დაბინავების თანხის მოძიების შემთხვევაში, შეჯიბრის ჩატარება რეალური გახდება. პატარქალიშვილის თქმით, მან წერილი ქვეყნის პრეზიდენტსაც გაუგზავნა, რომელშიც აღნიშნულია, რომ ტურნირის ჩატარება მნიშვნელოვნად შეუწყობს ხელს ქართული ფეხბურთის განვითარებას და ასევე მომგებიანია სამხრეთ ამერიკაში საქართველოს, როგორც ქვეყნის პოპულარიზაციის კუთხითაც. აღსანიშნავია, რომ ტურნირის გახსნის დღე -30 ოქტომბერი სიმბოლურად ემთხვევა თბილისობის დღესასწაულს. ნიკო პატარქალიშვილის განცხადებით, შეჯიბრის უმაღლეს დონეზე ჩასატარებლად დაახლოებით 800 000 $ არის საჭირო.
ნიკო პატარქალიშვილი: "ტურნირის მაღალ დონეზე ჩასატარებლად, რომელიც გადაიცემა მსოფლიოს სხვადასხვა ქვეყანებში, საქართველოს პრეზიდენტ, ბატონ მიხეილ სააკაშვილს ვთხოვ, შეჯიბრი განხორციელდეს მისი მზრუნველობითა და მფარველობით. ამის შესახებ, დღეს საქართველოს კულტირის, სპორტის, ტურიზმისა და საქმიანი ურთიერთობების საერთაშორისო ფონდის წერილი გაეგზავნა საქართველოს პრეზიდენტს".
|
|
ნანახია: 837 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
