საქართველოს ფეხბურთის ფედერაციის პრეზიდენტი, ზვიად სიჭინავა გამოეხმაურა უკანასკნელი ორი დღის მანძილზე მასმედიის სხვადასხვა საშუალებებში გაჟღერებულ ინფორმაციას მისი შესაძლო თანამდებობრივი გადანაცვლების შესახებ სამეგრელო–ზემო სვანეთის მხარეში პრეზიდენტის რწმუნებულის თანამდებობაზე.
ზვიად სიჭინავამ, მედიასთან საუბრისას განაცხადა, რომ იგი სფფ–ს წესდების შესაბამისად 2009 წლის 1 ოქტომბერს აირჩიეს ფეხბურთის ფედერაციის პრეზიდენტად, შესაბამისად იგი ამ თანამდებობაზე 2011 წლის ბოლომდე, საპრეზიდენტო ვადის დასრულებამდე დარჩება.
სფფ–ს პრეზიდენტმა ამასთანავე დასძინა, რომ ახლა, ისევე როგორც უკანასკნელი თვეების განმავლობაში ფედერაციაში სამუშაო ვითარებაა, ამ დროისათვის მიმდინარეობს მზადება საქართველოსა და შვეიცარიის ახალგაზრდული ნაკრები გუნდების 30 მაისს გასამართი მატჩისათვის და შესაბამისად მედია საშუალებებში გაჟღერებული ინფორმაცია არ შეესაბამება სინამდვილეს.
სფფ–ს პრესსამსახური