დღეს საბოლოოდ გადაწყდა, რომ 22 მაისს თბილისს რამდენიმე დღით ეწვევა
რიჩარდ სალერი, რომელიც ნოდარ ახალკაცის სახელობის ბავშვთა მესამე
საფეხბურთო ფესტივალის ფინალურ მატჩებს დაესწრება.
დღეს მორიგი სატელეფონო საუბარი შედგა რიჩარდ სალერსა და თბილისის
ფეხბურთის ფედერაციის გენერალურ მდივან გოჩა თამაზაშვილს შორის. სალერმა
საუბარში განაცხადა, რომ ბილეთები უკვე შეძენილი აქვს და 22 მაისს
საქართველოს დედაქალაქში იქნება. აქვე გეტყვით, რომ უკვე მესამე
წელია, რაც თბილისის ფეხბურთის ფედერაციის ტექნიკური სპონსორია გერმანული
სპორტული მწარმოებელი "სალერი".
თბილისის ფეხბურთის ფედერაცია
|