| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » ივლისი » 7 » ფირცხალავა კარიერას ამთავრებს?!
19:31 ფირცხალავა კარიერას ამთავრებს?! |
ფირცხალავა "დინამოს" ძირითად შემადგენლობაში
პატარა ასაკისა ჩაირიცხა და დიდ იმედებს იძლეოდა. მიუხედავად იმისა, რომ
ჯერ მხოლოდ 23 წლისაა, გუნდის ვიცე-კაპიტნადაც დანიშნეს. "დინამოს" ყოფილი
მთავარი მწვრთნელები - დუშან უჰრინი და რაინერ ცობელი ენდობოდნენ და
საკვანძო მოთამაშედ განიხილავდნენ...
თუმცა გამუდმებულმა ტრავმებმა
ფეხბურთელი უმძიმეს მდგომარეობაში ჩააგდო. ზედიზედ სამჯერ მენისკის
ოპერაცია გაიკეთა და აღმოჩნდა, რომ ბოლომდე ვერ განიკურნა. სრული 2 წელი
მარტო მკურნალობაში დაკარგა...
ის არ არის იმ ტიპის ადამიანი, ღირსება
რომ არ გააჩნია. ფირცხალავა მომხდარს განიცდიდა და ვერ ეგუებოდა იმ ფაქტს,
რომ "დინამოს" ერთ-ერთი წამყვანი ფეხბურთელი და ვიცე-კაპიტანი ძირითადში
რომ ვერ ხვდებოდა.
შესაძლოა, ამის შედეგია ის, რაც გუშინ გახდა ცნობილი
- ევროპის ლიგაზე ტალინის "ფლორასთან" მატჩის შემდეგ ნიკა "დინამოს"
ვარჯიშებზე აღარ გამოჩენილა.
"სამწუხაროდ, "ფლორასთან" საპასუხო
შეხვედრაში ფირცხალავა დაგვაკლდება. მასზე გუნდი დიდ იმედებს ამყარებდა და
დღესაც ამყარებს... მაგრამ სამწუხაროდ, გაუთავებელმა ტრავმებმა მის
ფსიქოლოგიურ მდგომარეობაზეც იმოქმედა. ფირცხალავამ გარკვეული დრო ითხოვა
დასვენებისთვის. საბოლოო გადაწყვეტილებას ესტონეთიდან დაბრუნების შემდეგ
ერთობლივად მივიღებთ", - განაცხადა "დინამოს" მმართველმა დირექტორმა ბუბა
ტყავაძემ.
ვერ გეტყვით, ამ ყველაფრის პრელუდია იყო თუ არა ის, რაც
"ფლორასთან" მატჩის დროს ვიხილეთ - ნიკა მოედანზე აშკარად გაღიზიანებული
გამოვიდა და ორიოდე ეპიზოდში მოწინააღმდეგეს მისთვის უჩვეულო აგრესიით
შეეჯახა. ფირცხალავა ბრძოლისუნარიანობით ყოველთვის გამოირჩეოდა, მაგრამ...
აგრესიულობით - არასდროს.
ახლა კი ვიგებთ, რომ ფეხბურთიდან წასვლა
გადაწყვიტა, რაც 23 წლის უნიჭიერესი ფეხბურთელისთვის არასწორი
გადაწყვეტილება გვგონია. ერთ-ერთი მოტივი, რის გამოც ნიკას თამაში აღარ
სურს, ესაა - სამი წელია არ მითამაშია და როცა ბიჭების ნაწილი 300 ლარზე
თამაშობს, უხერხულია, მათზე ბევრად მეტ ხელფასს ვიღებდეო.
ვფიქრობთ,
"დინამოს" ხელმძღვანელები ყველაფერს გააკეთებენ, გადაწყვეტილება რომ
შეაცვლევინონ და ფირცხალავა კვლავ ქართული ფეხბურთის სამსახურში ჩააყენონ
- ჩვენ დასაკარგი ფეხბურთელი არ გვყავს, მით უფრო, ასეთი პიროვნება.
ქართულ ფეხბურთში ხომ სწორედ ასეთი კეთილშობილი ადამიანების კატასტროფული
ნაკლებობაა...
"ლელო"
|
|
ნანახია: 1010 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
