ერთი დღეც და საქართველოს ჩემპიონი, რუსთავის "ოლიმპი" ჩემპიონთა ლიგის გათამაშებაში ჩაებმება.

საინტერესოა,როგორი განწყობაა ჩვენი მეტოქის, ყაზახეთის "აქტობეს" რიგებში,როგორ ემზადებიან ქართველებთან დაპირისპირებისათვის.  გთავაზობთ "აქტობეს" მცველის, პიოტრ ბადლოს მცირე ინტერვიუს,რომელიც ყაზახურ პრესაში გამოქვეყნდა.

- საბრძოლო განწყობა გვაქვს. სრული სერიოზულობით ვემზადებით ამ მატჩისათვის.

- რა შეგიძლიათ თქვათ "ოლიმპზე" ?

-  არაფრის თქმა არ შემიძლია,რადგან არანაირ ინფორმაციას ამ კლუბზე არ ვფლობ. (აქ,აშკარად უნდა ცრუობდეს "ამხანაგი" ბადლო. -რედ)

- განსაკუთრებულ პასუხისმგებლობას თუ გრძნობთ ამ მატჩთან დაკავშირებით ?

- რა თქმა უნდა, ჩვენ ხომ არამარტო ჩვენს კლუბს,არამედ სრულიად ყაზახეთს წარმოვადგენთ ევროტურნირებზე. შევეცდებით ღირსეულად ვიასპარეზოთ.

მინდა რაც შეიძლება ბევრი ქომაგი დადგეს ჩვენს გვერდით. გვიგულშემატკივრეთ, ჩვენ ძალიან გვჭირდება თქვენი მხარდაჭერა !

goli.ge