რუსეთის პირველი დივიზიონის 21-ე ტურში ომარ თეთრაძის ”ვოლგა” აუტსაიდერ ”როტორს” ესტუმრა და 4:1 გაანადგურა. 

ამ სეზონში თავისი მეათე გოლი გაიტანა ქართველმა ფორვარდმა ოთარ მარცვალაძემ, რომელმაც მე-7 წუთზე ანგარიში გახსნა, ხოლო მე-14-ზე საგოლე გადაცემაც მიითვალა. ოთარი 90-ე წუთზე შეცვალეს. 

ტრავმის გამო არ უთამაშია ედიკ საჯაიას. ასევე განაცხადში არ ყოფილან ”ვოლგას” ახალწვეულები - გიორგი ნავალოვსკი და გოჩა ხოჯავა. 

ომარ თეთრაძის გუნდს 35 ქულა აქვს და კრასნოდართან და ნიჟნი ნოვგოროდთან  მეორე-მეოთხე ადგილებს იყოფს.

championat.ge