24 მაისს, 20 საათზე
ქუთაისის ცენტრალურ სტადიონს საქართველოს პრეზიდენტი, მიხეილ სააკაშვილი
გახსნის.
საზეიმო ღონისძიებას
დაესწრებიან იმერეთის მხარის გუბერნატორი, ქუთაისის მერი, საქართველოს
ფეხბურთის ფედერაციისა და ფეხბურთის პროფესიული ლიგის პრეზიდენტები.
ამ დღისადმი მიძღვნილ
მატჩში ერთმანეთს ქუთაისის "ტორპედოსა" და თბილისის "დინამოს" ვეტერან
ფეხბურთელთა გუნდები დაუპირისპირდებიან.
ქუთაისის გივი კილაძის
სახელობის ცენტრალური სტადიონი სავალალო მდგომარეობაში იყო და გადაუდებელ
სარეაბილიტაციო სამუშაოებს საჭიროებდა. ის საქართველოს პრეზიდენტის პირადი
ინიციატივითა და პატრონაჟით უმოკლეს ვადებში აღდგა, დამონტაჟდა 14 000
ინდივიდუალური სკამი, საერთაშორისო სტანდარტის ტაბლო და განათების სისტემა,
გარემონტდა ადმინისტრაციული შენობა, გასახდელები, პრეს–ზონა.
61 წლის შემდეგ ახალი
სიცოცხლე უბრუნდება ქუთაისის "ტორპედოს" სტადიონს. საქართველოს ეროვნული
ჩემპიონატის I ლიგის გამარჯვებული საფეხბურთო კლუბი ქუთაისის "ტორპედო"
მომავალი წლიდან უმაღლეს ლიგაში იასპარეზებს და სწორედ ამ, უეფას
სტანდარტებით აღდგენილ სტადიონზე გამართავს ყველა საშინაო და საერთაშორისო
მატჩს.
სფფ–ს
პრესსამსახური
| 
