რუსეთის პრემიერ-ლიგის მე-8 ტურში ჯანო ანანიძის ”სპარტაკი” პერმის ”ამკარს” ესტუმრა და 2:0 დაამარცხა. ბრაზილიელი ალექსის არყოფნის გამო, მატჩის ”დირიჟორობა” ქართველმა ტალანტმა იტვირთა და ეს დავალება ხუთიანზე შეასრულა.

ჯანო მოედანზე გამორჩეული იყო და უზუსტესს პასებს არიგებდა. 50-ე წუთზე მისი გადაცემის შემდეგ ველიტონი მეკარესთან პირისპირ დარჩა და ანგარიში ორამდე გაზარდა. ანანიძემ ყველაზე მაღალი შეფასება დაიმსახურა - 6.5. ქართველი ფეხბურთელი 83-ე წუთზე შეცვალეს. ამ დროის განმავლობაში მან 12.69 კმ ირბინა! 

”სპარტაკი” 13 ქულით მეხუთეა. 

გიორგი ლუკიანცევი

championat.ge