| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » ივლისი » 1 » "ბაჩოს თასი" სპორტული მედიის საერთაშორისო დღეს - ხვალ კუს ტბაზე გაიმართება
11:37 "ბაჩოს თასი" სპორტული მედიის საერთაშორისო დღეს - ხვალ კუს ტბაზე გაიმართება |
"ბაჩოს თასი" - ასე ერქმევა მინი-ფეხბურთისა და ქვიშის ფრენბურთის ტურნირს
რომელიც 2 ივლისს, კუს ტბაზე მდებარე საფეხბურთო და ქვიშის მოედნებზე
სპორტულ ჟურნალისტებს შორის გაიმართება.
სპორტისა და
ახალგაზრდობის საქმეთა დეპარტამენტის თაოსნობით, სპორტული ჟურნალისტიკის
საერთაშორისო დღეს ქართველი ჟურნალისტები ახლახან გარდაცვლილი კოლეგის,
ბაჩო სვანიძის ხსოვნას მიაგებენ პატივს. მამაკაცები ერთმანეთს
მინი-ფეხბურთში გაეჯიბრებიან, ქალები - პლაჟის ფრენბურთში."ბაჩოს თასის"
ჯგუფური ეტაპის მატჩები 09:30 საათიდან დაიწყება. 13:00 საათზე კი
ტურნირის გახსნის ოფიციალური ცერემონიალი შედგება. გახსნის შემდეგ
თამაშები გაგრძელდება და ჩემპიონ-პრიზიორები 17:00 საათისთვის
გამოვლინდებიან.
გამარჯვებულები საგანგებოდ ამ ტურნირისათვის
დამზადებული თასებითა და მედლებით დაჯილდოვდებიან, ასევე დაწესებულია
სპეციალური პრიზები ფინალში გასული გუნდებისათვის - ჩემპიონები 1–თვიანი
აბონემენტებს მიიღებენ ახლადგახსნილ საცურაო აუზ "ოლიმპიკში", ხოლო
მეორეადგილოსან გუნდს პრიზად შარდენზე მდებარე საბილიარდო "აკურაში"
გამასპინძლება და მსოფლიოს ჩემპიონატზე არგენტინა-გერმანიის
მეოთხედფინალური მატჩის ერთად ყურება ელის.
ტურნირის დასრულების
შემდეგ, ორგანიზატორები მონაწილეებს დააჯილდოებენ და სპორტულ ჟურნალისტთა
საერთაშორისო დღეს ღია ალაფურშეტით აღნიშნავენ, 18:00-დან კი კუს ტბაზე
მდებარე ერთ-ერთ ბარში მსოფლიოს ჩემპიონატის მეოთხედფინალის ერთობლივად
ყურებაა დაგეგმილი.
უკვე გადაწყვეტილია, რომ "ბაჩოს თასისთვის"
მამაკაცთა 8 გუნდი იბრძოლებს - "სარბიელი", "ლელო", "სპორტ-მედია",
"პრესა", "რუსთავი2", იმედი", "პირველი არხი" და "მზე". ქალებში კი -
სპორტის დეპარტამენტი, ფოტოკორესპონდენტების გუნდი - "ვუვუზელა", "პრესა",
რადიო "ჯაკო", "გოლი.ჯი" და "სტარ ეფემი".
|
|
ნანახია: 780 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
