ცხინვალის "სპარტაკიდან" პოლონურ ლიგაში ახლად გადასულმა კობა შალამბერიძემ "ოდრას" შემადგენლობაში პირველი ოფიციალური მატჩი ჩაატარა. მისი პირველი მეტოქე "რუხი" გახლდათ, რომელთანაც "ოდრა" გასვლით მატჩში 3:2 დამარცხდა.
კობამ მატჩი ძირითად შემადგენლობაში დაიწყო, რამდენჯერმე გოლის გატანის შანსიც ჰქონდა, თუმცა გამოყენება ვერ შეძლო. ის 61–ე წუთზე კოლენდოვიჩით შეიცვალა. უკვე მიდის საუბრები ქართველი ფეხბურთელისათვის კონტრაქტის გახანგრძლივებაზე. მას მოქმედი კონტრაქტი "ოდრასთან" მაისამდე აკავშირებს.
რაც შეეხება კობას მოკლე ბიოგრაფიას, ის 1984 წლის 15 ოქტომბერს ქუთაისში დაიბადა. პროფესიონალური კარიერა 2004 წელს თბილისის "სპარტაკში" დაიწყო, სადაც 22 მატჩში მეტოქის კარი 5–ჯერ აიღო. მას საქართველოში რამდენიმე გუნდში თამაში მოუხდა. 2005 წელს "დინამოს" შემდაგენლობაშიც გამოდიოდა და 13 მატჩში 1 გოლიც გაიტანა, თუმცა ამავე სეზონის მეორე წრეში ქუთაისის "ტორპედოში" გაიყიდა, სადაც 1 სეზონი დაჰყო. 2006 წელს ის ისევ დაბრუნდა თავის პირველ კლუბში თბილისის "სპარტაკში", სადაც სულ რაღაც 6 მატჩი ჩაატარა და 1 გოლი გაიტანა. მისი ბოლო კლუბი საქართველოში მიმდინარე სეზონში ცხინვალის "სპარტაკი" გახლდათ, სადაც კობამ 15 მატჩში 2 გოლი გაიტანა. 2010 წლიდან კობა პოლონეთში, კერძოდ კი "ვოდრაში" ირიცხება.
www.fanebi.com