გთავაზობთ საქართველო-ესტონეთის მატჩის შემდგომ გაკეთებულ კომენტარებს:
გოგიტა გოგუა: მოვიგეთ როგორც იქნა დღევანდელი შეხვედრა, კარგა ხნის შემდეგ დავუბრუნდი გუნდს და ყველაფერი გავაკეთე, რომ გუნდისთვის სარგებელი მომეტანა. ჩვენ ყველაფერს გავაკეთებთ, რომ გულშემატკივარი გავახაროთ, ყველას ვულოცავ ამ გამარჯვებას.
კახა კალაძე: კმაყოფილი ვარ შედეგით, თემურ ქეცბაიასთვის ეს პირველი მატჩი იყო და ყველაფერი გავაკეთეთ, რათა ხალხის იმედი გაგვემართლებინა. გულშემატკივარს მომავალში გამარჯვებებს ვპირდებით.
მატჩის დასრულების თანავე ჟურნალისტები ეროვნული სტადიონის საპრესს–კონფერნეციო დარბაზში გადავინაცვლეთ, სადაც მატჩის შემდგომი პრესს–კონფერენცია გაიმართა.
ტიმო რუუტლი (ესტონეთის ეროვნული ნაკრების მთავარი მწვრთნელი): შეხვედრა საინტერესოდ წარიმართა, ვერ ვიტყვით, რომ მსაჯემა ცუდად იმსაჯა, აშკარაა იყო, მეტოქე გუნდის უპირატესობა პირველივე წუთებიდან და შედეგზეც აისახა. ორი წლის წინანდელთან შედარებით, როდესაც ამხანაგური თამაში ვითამაშეთ, საქართველოს ეროვნული ნაკრები დღეს აშკარად ბევრად უკეთ გამოიყურებოდა. აღსანიშნავია, სტადიონზე მოსული გულშემატკივართა ქომაგობა, ძალიან მოვიხიბლე და თქვენს სტადიონზე მართლაც ბრწყინვალე საფეხბურთო ატმოსფერო სუფევდა.
ტიმო რუუტლის სიტყვის შემდეგ, საპრესს–კონფერენციო დარბაზში თემურ ქეცბაია, კახა კალაძე და დავით სირაძე შემოვიდნენ.
თემურ ქეცბაია: "შედეგით კმაყოფილი ვარ, თუმცა თამაშით ნამდვილად არა, ბევრი მომენტი გამოუყენებელი დარჩა და ბევრი რამ დასახვეწია გუნდში. ჩვენ სერიოზული მუშაობა გვმართებს, რათა შედეგს მივაღწიოთ."
პრესს–კონფერენციის დასრულების შემდეგ კი დავით სირაძეს ვთხოვეთ კომენტარი.
დავით სირაძე: "მოვიგეთ, როგორც იქნა, გამიხარდა გოლი რომ შევაგდე და იმედია კიდევ ბევრჯერ ვაჩუქებთ ჩვენს გულშემატკივარს გამარჯვებას. საინტერესო და დაძაბული მატჩი გამოდგა და გავიმარჯვეთ კიდეც."
ლევან მოქელაშვილი, ბექა ჯღარკავა და თორნიკე ცირამუა www.fanebi.com
|