თემურ ქეცბაიას დებიუტი საქართველოს ნაკრების მთავარი მწვრთნელის რანგში წარმატებული გამოდგა. ამხანაგურ მატჩში საქართველოს ნაკრებმა ესტონეთის ნაკრები ანგარიშით 2:1 დაამარცხა. ”ჯვაროსნებმა” შეხვედრის პირველი წუთებიდანვე შეუტიეს და მრავალი სახიფათო მომენტი შექმნეს ბალტიისპირელთა კართან.  პირველი ტაიმის კომპენსირებულ დროში კუთხურიდან ჩამოწოდებულ ბურთს ესტონელთა კაპიტანი-რაიო პიროია ხელით შეეხო, რის გამოც მეორე ყვითელი ბარათი მიიღო და თერთმეტმეტრიანი საჯარიმო დარტყმა დაინიშნა, რომელიც ლევან კობიაშვილმა გოლად აქცია. მეორე ტაიმი შედარებით დაბალ ტემპში წარიმართა და 83’ წუთზე მცველების უყურადღებობის გამო სტუმრებმა ანგარიში გაათანაბრეს. მატჩი თითქოს საყაიმო ანგარიშით უნდა დასრულებულიყო, მაგრამ 93’ წუთზე დავით კვირკველიას ჩაწოდებულ ბურთს დავით სირაძის ზუსტი თავური მოჰყვა და მატჩს წერტილიც დაესვა. 

 ბექა დოგრაშვილი

საქართველო  2:1  ესტონეთი