ჩვენი საქმე ქართული ფეხბურთია!
                               ხუთშაბათი, 22.08.2019, 01:40


თქვენ შემოხვედით როგორც სტუმარი | ჯგუფი "სტუმრები"მოგესალმებისტუმარიRSS   







მენიუ
შესვლის ფორმა
რეკლამა
ძებნა
ჩათი
სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
Live ანგარიშები
კვირის ვიდეო
კალენდარი
«  აგვისტო 2010  »
ორსამოთხხუთპარშაბკვ
      1
2345678
9101112131415
16171819202122
23242526272829
3031
ჩანაწერების არქივი
  
მთავარი » 2010 » აგვისტო » 4 » მომავლის გუნდი გეგმაზომიერად შენდება
16:44
მომავლის გუნდი გეგმაზომიერად შენდება
  http://sportall.ambebi.ge/images/stories/photo/qartuli_fexburti/Nakrebi/shekiladze-56789_medium.jpg

  საქართველოს 15-წლამდელთა მთავარი მწვრთნელი გელა შეყილაძე და მისი ასისტენტები სანაკრებო კანდიდატების შერჩევას მიმდინარე წლის დასაწყისიდან შეუდგნენ და ამ მიზნით მთელი საქართველო შემოიარეს. ამას მოჰყვა შეკრებები, რეგიონული ნაკრების ჩამოყალიბება და უცხოური ტურნირი. ეს ის გუნდია, რომელიც ორი წლის შემდეგ ევროპის 17-წლამდელთა ჩემპიონატის შესარჩევ ტურნირში ჩაერთვება, შესაბამისად, მზადების მთავარი ეტაპები წინაა და მწვრთნელებს საკმაო დრო აქვთ საუკეთესო ფეხბურთელების მოსაძიებლად.
გელა შეყილაძეს დღემდე გაწეულ სამუშაოსა და ნაკრების სამომავლო გეგმებზე ვესაუბრეთ.

- იმის მიუხედავად, რომ საქართველოს 15-წლამდელთა ნაკრების ჩამოყალიბების პროცესი დიდი ხნის დაწყებული არაა, მაინც მიმაჩნია, რომ მე და ჩემმა სამწვრთნელო შტაბმა დიდი მოცულობის სამუშაო შევასრულეთ. ბუნებრივია, ფეხბურთის ფედერაციის აქტიური მხარდაჭერის გარეშე ეს ვერ მოხდებოდა.
საქმე მნიშვნელოვნად გაგვიადვილა რეგიონული ნაკრებების ჩამოყალიბებამ. შევქმენით 15-წლამდელთა შემდეგი ნაკრებები: სამეგრელოს, იმერეთის, აჭარა-გურიის, კახეთის, შიდა ქართლი-სამაჩაბლო-სამცხე-ჯავახეთისა და თბილისი-ქვემო ქართლის ნაკრებები. ამ ნაკრებებს ჩვენთვის მხოლოდ სპარინგ-პარტნიორის ფუნქცია არ ჰქონიათ. რეგიონებში არაერთი ნიჭიერი ახალგაზრდა თამაშობს და იქიდან ყველას მიეცემა საქართველოს 15-წლამდელთა ნაკრებში დამკვიდრების შანსი. ასე მაგალითად, იმერეთის ნაკრებიდან ორი მოზარდი მოხვდა იმ 18-კაციან შემადგენლობაში, რომელიც იბიცას საერთაშორისო ტურნირზე წავიყვანეთ.

- ნაკრების ბირთვი უკვე გამოიკვეთა?
- ნაკრებში ადგილი გარანტირებული არავის აქვს, თუმცა ნელ-ნელა უკვე გამოჩნდა იმ გუნდის კონტურები, რომელსაც ორი წლის შემდეგ საქართველოს 17-წლამდელთა ნაკრების სტატუსი ექნება. ნაკრების შეკრებებზე დღეისათვის ჯამში 40-45 ფეხბურთელია ნამყოფი და ეს მხოლოდ დასაწყისია სელექციისა, რომელიც შემდგომ პერიოდში აქტიურად გაგრძელდება. ბევრს ვიშრომებთYდა ყველანაირად ვეცდებით, რომ არც ერთი ნიჭიერი მოთამაშე თვალთახედვის არედან არ გამოგვეპაროს. ოფიციალურ მატჩებამდე დარჩენილი დრო მაქსიმალურად ეფექტურად უნდა გამოვიყენოთ. მზადების საწყისი პერიოდით კი კმაყოფილი ვარ. აქამდე, მოგეხსენებათ, გავიარეთ ორი შეკრება ზუგდიდის "ბაიას" ბაზაზე, ჩავატარეთ ამხანაგური მატჩები რეგიონულ ნაკრებებთან, ბოლოს კი ივნისში იბიცას ტურნირზე ვიასპარეზეთ.

- რამდენად წარმატებულად გამოვიდა ჩვენი ნაკრები ესპანეთში?
- იბიცაზე სამი მატჩი მოვიგეთ და მხოლოდ ერთში დავმარცხდით, რაც ახლად შექმნილი გუნდის კვალობაზე უთუოდ დადებითი შედეგია. ჯგუფური ეტაპი წარმატების დავძლიეთ და მეოთხედფინალში დავმარცხდით "ვალენსიას" 15-წლამდელთა გუნდთან, რომელმაც ტურნირზე მეორე ადგილი დაიკავა – ფინალში "ბარსელონასთან" წააგო. იქიდან გამომდინარე, რომ ამ ასაკში საერთაშორისო ტურნირები არც თუ ხშირად ტარდება, ესპანურმა შეჯიბრებამ ჩვენი გუნდის მზადების პროცესში ძალიან მნიშვნელოვანი როლი ითამაშა. ბუნებრივია, შეკრებები და ადგილობრივი ამხანაგური შეხვედრები ძალიან მნიშვნელოვანია, მაგრამ საერთაშორისო ტურნირებს სულ სხვა დატვირთვა აქვს.

- ამჟამად ნაკრები ვარჯიშობს თუ ფეხბურთელები ისვენებენ?
- დღეისათვის ნაკრების შეკრება არ მიმდინარეობს, მაგრამ ფეხბურთელები ჩვენს მიერ შედგენილი პროგრამით საკუთარ კლუბებში ინტენსიურად ვარჯიშობენ. მათ კონკრეტული დავალებები აქვთ მიცემული, რომლებსაც კვირაში ექვსი დღის განმავლობაში ასრულებენ.

- უახლოესი გეგმები როგორი გაქვთ?
- აგვისტოს ბოლოსთვის დაგეგმილი გვქონდა მინსის საერთაშორისო ტურნირზე გამგზავრება, რასაც, სამწუხაროდ, ვეღარ ვახერხებთ. თუმცა, ოქტომბრისთვის მაინც ვაპირებთ რომელიმე უცხოურ შეჯიბრებაზე წასვლას. წლეულს ჩვენი პროგრამა ამით არ ამოიწურება, ჩავატარებთ შეკრებასა და ამხანაგურ მატჩებს. ამხანაგურად სავარაუდოდ ორჯერ შევხვდებით აზერბაიჯანს, ან შინ, ანაც სტუმრად. რაც შეეხება შეკრებას, თუ "ბასაზე" სარემონტო სამუსაოები დროულად დასრულდება, იქ შევიკრიბებით, თუ არა და ისევ ზუგდიდს მივაშურებთ. სპარინგ-პარტნიორებს თბილისშიც ვიპოვით და ზუგდიდშიც, შესაბამისად, აღმოსავლეთის ან დასავლეთის რეგიონული ნაკრებების სახით.

ყოველდღიური სპორტული გაზეთი "ლელო"
ნანახია: 508 | დაამატა: Administrator | რეიტინგი: 0.0/0
სულ კომენტარები: 0
სახელი *:
Email *:
კოდი *:
რეკლამა
რეკლამა
რეკლამა
ქართული ფეხბურთი
www.pexburti.tk
მთვლელები

chat FX online casino rushmore casino Free counters
[ ვინ იყო საიტზე დღეს ]
Block title


http://www.footballimpact.com/wp-content/gallery/logos-equipos/fc-zestafoni.pnghttp://internet.ge/v2/news_images/200908141806.pnghttp://sportall.ambebi.ge/images/stories/photo/qartuli_fexburti/legioners/sioni_medium.jpg
http://internet.ge/v2/news_images/200909162559.jpghttp://cdn.serverloft.de/854060_35/bilder/wappen/mittel/13623.gifhttp://sportall.ambebi.ge/images/stories/photo/qartuli_fexburti/championship/torpedoaxaltaxalismyk_medium.jpg









ქართული ფეხბურთი www.pexburti.tk © 2019
ჩვენი საქმე ქართული ფეხბურთია!