საქართველოს ეროვნული ნაკრები 7 სექტემბერს საკუთარ მოედანზე ევროპის შესარჩევი ეტაპის პირველ მატჩს გამართავს. ისრაელის ნაკრებთან მოახლოებული შეხვედრის წინ ფეხბურთის ფედერაცია გულშემატკივარს სიახლეს სთავაზობს. ქალაქის ქუჩებში მოძრავი სალარო გამოჩნდა, სადაც ბილეთები გაიყიდება. 5 ბილეთის შეძენის შემთხვევაში გულშემატკივარი საჩუქრად 12 ნომრიან "გახდი მეთორმეტეს" მაისურს მიიღებს. მოძრავი სალარო თბილისის ქუჩებში პირველად პარასკევს დილით გამოჩნდა.  ეროვნული სტადიონის სალაროებში კი ბილეთების შეძენა 3 სექტემბრიდან დაიწყება. ბილეთების ფასი 5, 7, 10 და 20 ლარია.