ქართული ლეგიონი-შაბათი - 7 მარტში 2010 - ქართული ფეხბურთი Georgian Football

ნოვი სადის ''ვოივოდინა'' ,რომლის რიგებშიც საქართველოს ნაკრების წევრი გიორგი მერებაშვილი ასპარეზობს, ''მეტალაჩს ''ეწვია და 3-1 დამარცხდა. ქართველემა ლეგიონერმა 90 წუთი ითამაშა, თუმცა ნოვისადელები მარცხისგან ვერ იხსნა. დღესვე ''ვოივოდინას'' უშუალო კონკურენტმა ''სპარტაკმა'' თავისი თამაში დმაჯერებლად, 2-0 მოიგო და 29 ქულით მე-3 ადგილზე აღზევდა, ხოლო ნოვისადელები ამ წუთისათვის 27 ქულით მე-4 ადგილზე იმყოფებიან.

ბუნდესლიგის მორიგ ტურში ბერლინის ''ჰერტა'',რომლის ღირსებასაც საქართველოს ნაკრების ნახევარმცველი ლევან კობიაშვილი იცავს, ''ჰამბურგს'' ეწვია და დაძაბულ ბრძოლაში მინიმალური ანგარიშით 1-0 დამარცხდა.მატჩის ერთადერთი გოლი მე-40 წუთზე იენსენმა გაიტანა. ქართველმა ლეგიონერმა სტუმართა რიგებში შეუცვლელად ითამაშა და 83-ე წუთზე ყვითელი ბარათიც დაიმსახურა. ამ მარცხის შემდეგ ''ჰერტა'' 15 ქულით ისევ ბოლო ადგილზე რჩება და უსაფრთხო ზონამდე კიდევ 5 ქულა აშორებს. დღესვე ერთმანეთს დაუპირისპირდნენ დედაქლაქელთა უშუალო კონკურენტები ''ფრაიბურგი'' და ''ჰანოვერი''. მატჩი სტუმართა გამარჯვებით 1-2 დასრულდა.ნათელია ,რომ ''ჰერტას'' მეტი წაფორხილების უფლება აღარ აქვს, წინააღმდეგ შემთხვევაში დიდი შანსია ,დედაქალაქელები მომავალ სეზონში მეორე ბუნდესლიგაში ვიხილოთ.
დღეს გაიმართა ისრაელის ჩემპიონატის მორიგი ტურის მატჩები.ჰაიფას ''მაკაბი'', რომლის რიგებშიც ქართველი ვლადიმერ დვალიშვილი ასპარეზობს, ნაზრათის "მაკაბს" ეწვია და გამანადგურებელი სხვაობით 5-0 დაამარცხა.სტუმართა რიგებში არბეიტმანმა ჰეთრიკი შეასრულა ,რაფაელოვმა და დვალიშვილმა კი თითოჯერ გამოიჩინეს თავი. ლადომ 23-ე წუთზე გაიტანა და ჰაიფელები 3-0 დააწინაურა. შეგახსენებთ,რომ აღნიშნული გოლი დვალიშვილისთვის მიმდინარე სეზონში მეთოთხმეტეა.
ქართველების "დიორ ეტომ" "ვაშაში" მიიღო და ფრე 1:1 ითამაშა. მოედანზე მხოლოდ რატი ალექსიძე გამოჩნდა.

ზედიზედ მეორე შეხვედრა მოიგო ლევან კუტალიას "სლავიამ". წინა შეხვედრაში "შიროკი ბრიგთან" 3:2 იმარჯვეს, ამჯერად კი "გრადაჩას ზვეზდა" იგივე ანგარიშით დაამარცხეს. ქართველი ფეხბურთელი ორივე შეხვედრაში ძირითად შემადგენლობაში იყო. უკანასკნელ მატჩში მსაჯისგან წითელი ბარათიც დაიმსახურა. თუმცა, როგორც თავად ამბობს, დაუმსახურებლად დაისაჯა.

www.fanebi.com
www.goli.ge