| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » აგვისტო » 3 » "დინამოელები" საბრძოლველად მზად არიან
02:46 "დინამოელები" საბრძოლველად მზად არიან |
5 აგვისტოს ბ.
პაიჭაძის სახ. ეროვნულ სტადიონზე ევროპის ლიგის III საკვალიფიკაციო ეტაპის
განმეორებით მატჩში თბილისის "დინამო" გრაცის "შტურმს" უმასპინძლებს.
პირველი შეხვედრა ავსტრიელთა გამარჯვებით ანგარიშით 2-0 დასრულდა, თუმცა
ქართველი ფეხბურთელები მზად არიან საბრძოლველად და როგორც ჩანს, წარმატების მისაღწევად არაფერს დაიშურებენ. "დინამოელთა" მწვრთნელის კახი კაჭარავას
თქმით, ჯერ ყველაფერი არ არის გადაწყვეტილი. "დინამოს" შეუძლია სასურველი
შედეგის მიღწევა. მწვრთნელი დარწმუნებულია იმაში, რომ ფეხბურთელები მიზნის
მისაღწევად ბოლომდე დაიხარჯებიან. "დინამოს" ნახევარმცველის - ლევან
ხმალაძის თქმით, პირველ შეხვედრაში თბილისელთა მარცხის მიზეზი სრულიად
უაზრო შეცდომებია. მისი აზრით, ავსტრიული გუნდი არ წარმოადგენს დაუძლეველ
ბარიერს და თუ გულშემატკივრები ტრიბუნებიდან აქტიურად დაუჭერენ მხარს,
"დინამო" მომდევნო ეტაპზე გავა. ფეხბურთელის თქმით, გუნდური თამაში არის ის,
რის ხარჯზეც შესაძლებელია წარმატების მიღწევა. როგორც "დინამოს" მმართველი
დირექტორი ბუბა ტყავაძე ამბობს, ეს არ არის გუნდის მაქსიმუმი და "დინამოს"
შეუძლია მესამე საკვალიფიკაციო ეტაპის დაძლევა. ტყავაძის აზრით,
თბილისელებს ინდივიდუალური ოსტატობის მხრივ უპირატესობა აქვთ. მისი თქმით,
თანამედროვე ფეხბურთში უდიდესი მნიშვნელობა აქვს გულშემატკივართა ფაქტორს,
მატჩზე დასასწრები ბილეთის ფასი სიმბოლურად 2 ლარს შეადგენს. სწორედ
ამიტომ, ხუთშაბათს ქართული ფეხბურთის ქომაგი მაქსიმალურად დიდი რაოდენობით
უნდა მივიდეს ეროვნულ სტადიონზე. მმართველი დირექტორის სიტყვებით,
მონდომების, ძლიერი შემართებისა და ერთად დგომის წყალობით "დინამო"
წარმატებას მიაღწევს.
როგორც ამ კომენტარებიდან ჩანს, "დინამოელები"
ემზადებიან დიდი ბრძოლისათვის, მათ აქვთ საკუთარი თავისა და ქართველი
გულშემატკივრების იმედი. ასე რომ, მივიდეთ სტადიონზე, დავდგეთ "დინამოს"
გვერდით, ვიბრძოლოთ გუნდთან ერთად და ვიზეიმოთ გამარჯვება.
ბექა დოგრაშვილი
|
|
ნანახია: 956 |
დაამატა: Administrator
| რეიტინგი: 5.0/1 |
|
|
| რეკლამა |
 |
|
|
