რუსეთის პირველი დივიზიონის მე-17 ტურში ომარ თეთრაძის გაწვრთნილმა ”ვოლგამ” გასვლაზე ერთ-ერთი კონკურენტი სოჭის ”ჟემჩუჟინა” 2:0 დაამარცხა და 26 ქულით მეშვიდე ადგილამდე აღზევდა. 

 ორივე გოლი ქართველი თავდამსხმელის ოთარ მარცვალაძის ანგარიშზეა, რომელმაც თავი 70-ე და 70-ე წუთებზე გამოიჩინა. მარცვალაძე 89-ე წუთზე შეცვალეს. სრულად ჩაატარა შეხვედრა ”ვოლგას” კიდევ ერთმა ქართველმა ედიკ საჯაიამ. 

 მარცვალაძეს უკვე 9 გოლი მოუგროვდა მიმდინარე გათამაშებაში. ბომბარდირთა დავაში ის მეორე ადგილზე იმყოფება და მხოლოდ სპარტაკ გოგნიევს (”კამაზი”) ჩამორჩება, რომელსაც 12 გოლი აქვს შეგდებული. 

championat.ge