ომარ თეთრაძის "ვოლგამ" შინ 4:1 გაანადგურა "ბალტიკა". ქართველი სპეციალისტის გუნდი რუსულ პრემიერლიგაში აღზევების რეალური კანდიდატია - "ვოლგა" 60 ქულით მე-2 ადგილზეა. მართალია, ნიჟნი ნოვგოროდელები 10 ქულით ჩამორჩებიან "ყუბანს", მაგრამ უშუალო კონკურენტ "ნიჟნი ნოვგოროდს" 2 ქულით უსწრებენ. სავარაუდოდ, სწორედ თანაქალაქელები გაითამაშებენ პრემიერლიგის მე-2 საგზურს.

"ვოლგამ" ერთბაშად 4 გოლი გაიტანა და, ბუნებრივია, ოთარ მარცვალაძე ისე არ დარჩებოდა - ოთარმა შეხვედრის 39-ე წუთზე 2:0 გახადა ანგარიში, 70-ე წუთზე კი ჩვენებური შეცვალეს. მასპინძელთა რიგებში შეუცვლელად ითამაშა გიორგი ნავალოვსკიმ, 57-ე წუთზე თეთრაძემ გოჩა ხოჯავა შეცვალა. მარცვალაძემ სეზონში მე-15 გოლი (27 მატჩში) გაიტანა. 

ყოველდღიური სპორტული გაზეთი
"ლელო"