გერმანიაში შეკრებაზე მყოფმა ლიანქორანის ”ხაზარმა” მორიგი სპარინგი გამართა. დავით იმედაშვილის ახალი კლუბი ავსტრიული ბუნდესლიგის ერთ-ერთ აუტსაიდერს ”მატერსბურგს” დაუპირისპირდა და 2:6 განადგურდა! 

იმედაშვილი გუნდის სასტარტო სემადგენლობაში იყო და როგორც azerisport.com იუწყება, მატჩი სრულად ჩაატარა. პირველი ტაიმის შემდეგ ანგარიში უკვე 1:5 იყო. ალბათ, მეორე ნახევარში ავსტრიელებმა მეტოქე დაინდეს და მხოლოდ 1 გოლი აკმარეს.

ეს გერმანულ შეკრებაზე ”ხაზარის’ მესამე შეხვედრა იყო... წინა ორიც მსგავსი შედეგით დასრულდა - დონეცკის ”შახტართან” 0:2 და ავსტრიულ ”რიდთან” 0:3. 

ბევრი საუბრობს, რომ აზერბაიჯანში გაცილებით უფრო მაღალი დონეა, ვიდრე ჩვენთან. ჩემი აზრით, დონე არა ფულით , არამედ თამაშით და შედეგით იზომება. მსგავს ”შედეგებს” კი ჩვენი პირველი ლიგის გუნდიც უფრობლემოდ მიაღწევს.  

championat.ge