ჩვენი საქმე ქართული ფეხბურთია!
                               პარასკევი, 29.03.2024, 12:15


თქვენ შემოხვედით როგორც სტუმარი | ჯგუფი "სტუმრები"მოგესალმებისტუმარიRSS   







მენიუ
შესვლის ფორმა
რეკლამა
ძებნა
ჩათი
სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
Live ანგარიშები
კვირის ვიდეო
კალენდარი
«  ოქტომბერი 2010  »
ორსამოთხხუთპარშაბკვ
    123
45678910
11121314151617
18192021222324
25262728293031
ჩანაწერების არქივი
  
მთავარი » 2010 » ოქტომბერი » 12 » დღეს: ლატვია-საქართველო
11:59
დღეს: ლატვია-საქართველო

http://img.uefa.com/imgml/MA/logos/70x70/56558.png

ლატვია vs საქართველო

21:00

http://img.uefa.com/imgml/MA/logos/70x70/57157.png

დღეს საქართველოს ეროვნული გუნდი ევროპის 2012 წლის ჩემპიონატის საკვალიფიკაციო ეტაპის მორიგ (ამ წელს ბოლო) შეხვედრას ლატვიასთან სტუმრად გამართავს. ჩვენი ნაკრები რიგაში გუშინ ნაშუადღეს ჩაფრინდა. სასტუმროში დაბინავების შემდეგ გუნდმა ცოტა დაისვენა, მერე ისადილა, რის შემდეგაც თემურ ქეცბაიამ თეორიული მეცადინეობა ჩაატარა.

ფეხბურთის ფედერაციის პრესატაშე ლაშა დვალიშვილის ინფორმაციით, სასტუმროში ჩვენი გუნდი ნაკრების ყოფილმა ნახევარმცველმა ალექსანდრე რეხვიაშვილმა და ლატვიურ კლუბებში მოთამაშე სხვა ქართველებმა მოინახულეს. საღამოს კი ადგილობრივი დროით 19 საათზე (აქაური 20 საათი) საქართველოს ნაკრებმა მატჩისწინა ბოლო ვარჯიშისთვის "სკონტოს" სტადიონს" მიაშურა. წვრთნას ლატვიაში მცხოვრები ორ ათეულამდე ქართველი დაესწრო. ცხადია, ლატვიის დედაქალაქში მცხოვრები ჩვენებურები დღევანდელ მატჩსაც დაესწრებიან. ამდენად, საქართველოს ნაკრები რიგაში მარტო არ არის...

ქეცბაიას განკარგულებაში 21 ფეხბურთელია: ნუკრი რევიშვილი, გიორგი ლორია, როინ კვასხვაძე, კახა კალაძე, მალხაზ ასათიანი, ალექსანდრე ამისულაშვილი, ლაშა სალუქვაძე, უჩა ლობჟანიძე, დავით კვირკველია, ლევან კაკუბავა, ლევან კობიაშვილი, გოგიტა გოგუა, ჯანო ანანიძე, გიორგი მერებაშვილი, ალექსანდრე კოშკაძე, ირაკლი კლიმიაშვილი, მურთაზ დაუშვილი, დავით სირაძე, ალექსანდრე იაშვილი, ლადო დვალიშვილი, ნიკოლოზ გელაშვილი.

წვრთნა, რომელიც საათზე მეტხანს გაგრძელდა, ტაქტიკური ხასიათის იყო. რა თქმა უნდა, იყო აქცენტები ფიზიკური კონდიციების ამაღლებასა და გამძლეობაზეც. საქართველოს ნაკრების ყველა ფეხბურთელი მწყობრშია, ტრავმა არავის აწუხებს... ეგ იყო მხოლოდ, რომ ვარჯიშის ბოლოს მოწვიმა, თუმცა მალევე გადაიღო. თბილისთან შედარებით, რიგაში ტემპერატურა უფრო ნაკლებია, მაგრამ ძალიანაც არ ცივა...

ახლა ვნახოთ, რა ხდება მეტოქის ბანაკში. ლატვიური ვებგვერდების ყურადღების ცენტრში, თემურ ქეცბაიას გარდა, ჩვენი ნაკრების ლიდერები არიან - კახა კალაძე, ლევან კობიაშვილი, მალხაზ ასათიანი... ბალტიისპირელები ხაზს უსვამენ იმ ფაქტს, რომ დისკვალიფიკაციის გამო მატჩს ზურაბ ხიზანიშვილი გამოტოვებს. ისინი უფრთხიან ფორვარდ ლადო დვალიშვილს, რომელმაც ჰაიფას "მაქაბიში" გადაბარგებამდე ლატვიელებს რიგის "სკონტოში" თამაშით დაამახსოვრა თავი.

"მარის ვერპაკოვსკისის არყოფნა ლატვიელებისთვის პატარა დანაკლისი არ არის. თუმცა ეს არ მოგვადუნებს. ლატვიის ნაკრების მატჩების ჩანაწერები ვნახეთ, მეტოქეს სათანადოდ ვაფასებთ. რიგაში მოსაგებად ჩამოვედით და 3 ქულისთვის ბოლომდე ვიბრძოლებთ", - თემურ ქეცბაიას ეს კომენტარი ლატვიურმა ვებგვერდმა სპორტს.დელფი.ლვ-მ გამოაქვეყნა.

ბერძნული "ერგოტელისის" ფორვარდ მარის ვერპაკოვსკისის გარდა, ლატვიას სხვა დანაკლისი არ აქვს. როგორც ვწერდით, ოსკარს კლიავას თამაში საეჭვო კი იყო, თუმცა ბოლო მონაცემებით მახაჩყალის "ანჟის" მცველი თამაშს შეძლებს.

ლატვიის ნაკრების თავკაცმა ალექსანდრს სტარკოვსმა, ჩვენი ნაკრების დასაზვერად, მალტასთან მატჩზე ერთ-ერთი ასისტენტი ვლადიმირ სერბინი მოავლინა. აი, "მზვერავის" კომენტარიც:

"მალტელებთან მატჩში აშკარად გამოჩნდა, რომ საქართველო გამარჯვებაზე აქცენტირებული გუნდია. ამასთან, ეს ნაკრები ახლა უფრო მწვავედ და ორგანიზებულად უტევს და გამოუყენებელი საგოლე მომენტების მიუხედავად, გარჯა მაინც დაუფასდათ და დამსახურებული და მატჩის მიწურულს გატანილი გოლით დამსახურებული 3 ქულა მოიპოვეს".

პრესკონფერენციაზე სტარკოვსკი უფრო თავდაჯერებული ჩანდა, თუმცა მაინც ფრთხილობდა:

"საქართველოს ნაკრები ჩვენთვის კარგად ნაცნობი მეტოქეა. ეს გუნდი ახლა უკეთ თამაშობს, ვიდრე ორი წლის წინათ, როცა თბილისში 3:1 მოვუგეთ. ქართველებმა შესარჩევი ციკლი წარმატებით დაიწყეს, რაც მათთვის სტიმული აღმოჩნდა. ეს გუნდი პროგრესირებს. საბერძნეთში წაგების შემდეგ 3 ქულისთვის ვიბრძოლებთ. ვიცი, ეს იოლი არ იქნება, მაგრამ ყველანაირად უნდა ვეცადოთ - გოლის გატანასა და კარის უსაფრთხოებაზე თანაბრად უნდა ვიზრუნოთ", - აღნიშნა სტარკოვსმა.

დაბოლოს, ლატვიისა და საქართველოს ეროვნული გუნდების მატჩი დღეს ჩვენი დროით 21 საათზე დაიწყება. მატჩის პირდაპირი რეპორტაჟის ნახვა "პირველი არხით" შეგეძლებათ. თამაშს პორტუგალიელი მსაჯები გაუძღვებიან. არბიტრი ჟორჟე სოუზა იქნება.



ყოველდღიური სპორტული გაზეთი
"ლელო"

ნანახია: 812 | დაამატა: Administrator | რეიტინგი: 0.0/0
სულ კომენტარები: 0
სახელი *:
Email *:
კოდი *:
რეკლამა
რეკლამა
რეკლამა
ქართული ფეხბურთი
www.pexburti.tk
მთვლელები

chat FX online casino rushmore casino Free counters
[ ვინ იყო საიტზე დღეს ]
Block title


http://www.footballimpact.com/wp-content/gallery/logos-equipos/fc-zestafoni.pnghttp://internet.ge/v2/news_images/200908141806.pnghttp://sportall.ambebi.ge/images/stories/photo/qartuli_fexburti/legioners/sioni_medium.jpg
http://internet.ge/v2/news_images/200909162559.jpghttp://cdn.serverloft.de/854060_35/bilder/wappen/mittel/13623.gifhttp://sportall.ambebi.ge/images/stories/photo/qartuli_fexburti/championship/torpedoaxaltaxalismyk_medium.jpg









ქართული ფეხბურთი www.pexburti.tk © 2024
ჩვენი საქმე ქართული ფეხბურთია!