| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2011 » იანვარი » 21 » აღმასკომმა სიჭინავა დაამტკიცა, ხვალ კი ყრილობა დაამტიცებს
20:37 აღმასკომმა სიჭინავა დაამტკიცა, ხვალ კი ყრილობა დაამტიცებს |
ხვალ, 22 იანვარს, ფეხბურთის ფედერაციის მე-19 ყრილობა და საპრეზიდენტო
არჩევნები ჩატარდება. შეგახსენებთ, რომ კანდიდატი მხოლოდ ერთია - მოქმედი
პრეზიდენტი ზვიად სიჭინავა. ფედერაციაში დღეს გამართული აღმასკომის სხდომა
სწორედ ყრილობისა და არჩევნების, ასევე სხვა საკითხებს მოიცავდა.
არჩევნებზე
ქვემოთ მოგითხრობთ, მანამდე კი სჯობს თანმიმდევრობას მივყვეთ. საქართველოს
ფეხბურთის ფედერაციის აღმასკომმა სფფ-ის პრეზიდენტობის კანდიდატად ზვიად
სიჭინავა დაამტკიცა. აღმასკომის გადაწყვეტილებით დამტკიცდა, რომ ხმის
მიცემა ფარული იქნება და ფარული კენჭისყრის ბიულეტენიც დამტკიცდა.
აღმასკომის
გადაწყვეტილებით დამტკიცდა ეროვნული ჩემპიონატის, უმაღლესი და პირველი
ლიგების, დუბლებისა და ჭაბუკთა ლიგის დებულებები და მიმდინარე სეზონის
მეორე ეტაპის კალენდარი.
საფეხბურთო კლუბ გორის "გორს", რომელიც
პირველ ლიგაში ასპარეზობს, კლუბის მესვეურთა თხოვნით ძველი სახელი, "დილა"
დაუბრუნდა და ეს გუნდი სეზონს სწორედ ამ სახელით გააგრძელებს.
ეროვნული ჩემპიონატის დებულებაში ცვლილებები შევიდა და აღმასკომმა ესეც დაამტკიცა. რაც შეეხება ცვლილებებს, ორი მუხლი გაუქმდა:
პირველი,
უმაღლეს და პირველი ლიგებში შიდა ტრანსფერისას კლუბი 100 ლარს იხდიდა და
ამიერიდან შიდა ტრანსფერზე გადასახადი აღარ იქნება. მეორე, ჭაბუკთა ლიგის
რეგლამენტში გუნდს განაცხადში 30 ფეხბურთელზე მეტის შეყვანის უფლება არ
ჰქონდა. ეს ლიმიტი უკვე გაუქმებულია.
გაუქმების გარდა, ჩემპიონატის
რეგლამენტში ერთი მუხლი შეიცვალა. კერძოდ, გუნდის განაცხადში 30-ს ზემოთ
თითო ფეხბურთელის შეყვანაზე კლუბს 100 ლარის გადახდა უწევდა. ამიერიდან
სხვა ტარიფები იმოქმედებს. უმაღლეს ლიგაში განაცხადში 30-ს ზემოთ შეყვანილ
თითო მოთამაშეზე უმაღლესი ლიგის კლუბი 500 ლარს გადაიხდის, პირველი ლიგისა
300-ს, ხოლო დუბლების
ჩემპიონატში 100 ლარი იქნება გადასახდელი.
"აღმასკომის
მორიგი სამუშაო სხდომა იყო. გავითვალისწინეთ უმაღლესი და ქვედა ლიგების
კლუბების პოზიცია და ჭაბუკთა ლიგის გუნდებს განაცხადში ფეხბურთელების
შეყვანის ლიმიტი მოვუხსენით. თუმცა უმაღლესი და პირველი ლიგების, ასევე
დუბლების ჩემპიონატში კლუბებს 30 ლიმიტირებულ ფეხბურთელს ზემოთ სხვადასხვა
ოდენობის თანხის გადახდა დასჭირდებათ. სანაცვლოდ, უმაღლესი და პირველი
ლიგის გუნდებს შიდა ტრანსფერებზე გადასახადი აღარ ექნებათ.
გარდა
ამისა, აღმასკომმა ფედერაციის პრეზიდენტობის კანდიდატად ზვიად სიჭინავა
დაამტკიცა. ხვალ არჩევნებია და ყველა დელეგატს დაურიგდება ის გეგმა, რომლის
განხორციელებაზე მუშაობასაც ზვიად სიჭინავა მომდევნო საპრეზიდენტო ვადის
ამოწურვამდე გეგმავს", - გვითხრა ფედერაციის გენერალურმა მდივანმა რევაზ
არველაძემ.
ფეხბურთის ფედერაციის სუბიექტებმა უკვე წარადგინეს ხმის უფლემის მქონე 33 დელეგატის კანდიდატურა, რომელიც აღმასკომმა დაამტკიცა.
რაც
შეეხება არჩევნების პროცედურას - 33 დელეგატი ფარული წილისყრით გააკეთებს
არჩევანს. არევნებში პირველივე ტურში გამარჯვებისთვის 50% პლუს 1 ხმა, ანუ
ჯამში, 17 ხმაა საჭირო. თუ გავითვალისწინებთ იმას, რომ ზვიად სიჭინავას
კანდიდატრა ერთბაშად 20-მა სუბიექტმა წარადგინა, უკვე შეგვიძლია ფედერაციის
მოქმედ პრეზიდენტს ახალი 4-წლიანი ვადით არჩევა
მივულოცოთ.
საქართველოს ფეხბურთის ფედერაციის მე-19 ყრილობა და არჩევნები სასტუმრო holliday inn-ში (ყოფილი "აჭარა) 11 საათზე დაიწყება.
|
|
ნანახია: 720 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
