საფრანგეთში, ქალაქ ნანტში დაიწყო 17 წლამდელთა ევროპის 2011 წლის ჩემპიონატის შესარჩევი ეტაპი. დღეს, პირველი შეხვედრები გაიმართა. თუმცა, ჩვენი ყურადღების ცენტრში მე–6 ჯგუფია, სადაც საქართველოს 17– წლამდელთა ნაკრები გუნდი ასპარეზობს საფრანგეთის, ნორვეგიისა და ბელორუსის ნაკრებ გუნდებთან ერთად.

25 მარტის დღის ბოლო შეხვედრა, საქართველოსა და საფრანგეთის ნაკრებ გუნდებს შორის, „ლა ბუჟუას" სტადიონზე გაიმართა.

მატჩის პირველი წუთები თანაბარ ბრძოლაში მიმდინარეობდა. უკვე მე–12 წუთზე, სანდრო ჭიღვარიას საგოლე მომენტი შეექმნა, თუმცა, სიტუაცია ფრანგთა გოლკიპერმა განმუხტა. 22– ე წუთზე კი, თებიძემ მოიგერია იაისიენის დარტყმა.

ანგარიში 31– ე წუთზე ფრანგებმა გახსნეს. საქართველოს ნაკრების კარი ჰალერმა აიღო. პირველი ტაიმი, სწორედ, ამ ანგარიშით დასრულდა.

ჟორჟიკაშვილის გუნდმა მეორე ბურთი 50– ე წუთზე გაუშვა. ამჯერად, ფრანგები იაისიენმა ახეირა. თუმცა, მეორე ტაიმში, ქართველთა მეკარემ რამდენჯერმე იხსნა თავისი გუნდი და მეტოქეს აღარ გაატანინა. საბოლოოდ, ქართველმა ფეხბურთელებმა გოლის გატანა ვერ შეძლეს და ორბურთიანი სხვაობით დამარცხდნენ.

საქართველო (U17) - საფრანგეთი (U17) 0:2 (0:0)

საქართველო: თებიძე, მთივლიშვილი, ცნობილაძე, სანდოხაძე (კაპ), ჭიღვარია, გოგიჩაიშვილი (ფანცულაია 71), ჰუფნაგელი, მარკოზაშვილი, გ.სამუშია, ექვთიმიშვილი (დიასამიძე 51), ტარყაშვილი (ენდელაძე 41)

მთ.მწვრთნელი – კობა ჟორჟიკაშვილი

საფრანგეთი: ბენარდო, იკოკო, მენდი, კალვე, ზუმა, ტამეზე უსტა, ნ’კუსუ, მეიტე, იაისიენი (ბაკაიოკო 80), ჰალერი (ნანგისი 59), ლაბორდე (ლაპორტე 61)

მთ.მწვრთნელი – პატრიკ გონფალონე

მსაჯი: ანასტასიოს სიდიროპულოსი

გოლები: ჰალერი (31), იაისიენი (50)

გაფრთხილება: სანდოხაძე

მე–6 ჯგუფის პირველი მატჩი ნორვეგიისა და ბელორუსის ნაკრებებს შორის კი, ნორვეგიელთა დამაჯერებელი გამარჯვებით – 5:1 დასრულდა. შედეგად, ჯგუფის პირველადგილოსანი ნორვეგიის ნაკრებია, რომელიც ფრანგებს ბურთების უკეთესი სხვაობით სჯობნის.

მეორე შეხვედრას ქართველი 17– წლამდელები 27 მარტს, ბელარუსის ნაკრებთან გამართავენ.

სფფ–ს პრესსამსახური