| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| სტატიების კატალოგი |
”გაგრა” (ისტორია)
| 2003-2004 წლებში, გუნდი, რომელიც შემდეგ გაგრას სახელით გამოვიდა, ჭაბუკთა ლიგაში გამოდიოდა, ლოკომოტივი ერქვა და იქ მოთამაშე ფეხბურთელები, 1985-86 წლებში იყვნენ დაბადებულნი.
სწორედ ამ წელს უეფამ პირველად ჩაატარა ჭაბუკთა ლიგა საქართველოში და გუნდმა გამოსვლა ჩემპიონობით დაასრულა.
საფეხბურთო კლუბ გაგრას ჩამოყალიბების იდეა უკვე არსებობდა. სეზონის დასრულების შემდეგ, კლუბის ამჟამინდელი ვიცე პრეზიდენტი გოდერძი ჩიხრაძე დაუკავშირდა მომავალ პრეზიდენტ ბესო ჩიხრაძეს, რომელიც კიევში ცხოვრობდა და უკვე სერიოზული ბიზნესმენი იყო. მან თხოვა ბატონ ბესოს დაკავშირებოდა კიევის დინამოს ხელმძღვანელობას და ამ საკითხთან დაკავშირებით კონსულტაციები გაევლო.
როგორც შემდეგ გაირკვა, კიევის დინამოს ხელმძღვანელებისთვის ნაცნობი აღმოჩნდა ეს გუნდი. ანდრეი ბიბას და იოჟეფ საბოს ნანახი ჰქონდათ ამ გუნდის თამაში თბილისის დინამოსა და ვიტ ჯორჯიას წინააღმდეგ. ბესო ჩიხრაძეს გუნდი მოუწონეს.
ეს ხდებოდა 2004 წლის ივლისის თვეში. დაიწყო საუბარი კლუბის ჩამოყალიბებაზე. დღის წესრიგში დადგა კლუბის სახელწოდების საკითხი. არც კი დაფიქრებულან, ისე დაერქვა გუნდს საფეხბურთო კლუბი გაგრა.
2004-05 წლის სეზონში რეგიონლიგის გათამაშებაში, გაგრამ ძალიან კარგად იასპარეზა და გადავიდა პირველ ლიგაში.
2005 წლიდან მოყოლებული, გუნდი პირველ ლიგაში გადიოდა საპრიზო ადგილებზე და ახერხებდა პლეი-ოფში თამაშს, მაგრამ აგებდნენ.
პირველად ეს იყო ცხინვალის სპარტაკთან. სამწუხაროდ, მაშინ ის შეხვედრა არ დასრულებულა. ინციდენტი მოხდა, თამაში ჩაიშალა და გაგრას წაგება ჩაეთვალა.
მეორე წელს შეხვდნენ საჩხერის ჩიხურას პლეი-ოფში და იქაც წააგეს. გამოუცდელობამ თავისი გააკეთა. დამატებით დროში გაუშვეს გოლი და 1:2 დამარცხდნენ.
და კიდევ ერთი გათამაშება ჰქონდათ ჭიათურის მაღაროელთან. დასანანი მარცხი.
შემდეგ ცხინვალის სპარტაკთან თამაში, მაგრამ გუნდი ამჯერადაც დამარცხდა, ამჯერად 0:1.
იმ პერიოდიში, გუნდმა დაიწყო უეფას მოთხოვნის, ლიცენზირების გავლა. უეფამ აპრილის თვეში გუნდს მიენიჭა ლიცენზია. ჭიათურის მაღაროელმა ლიცენზირებასთან დაკავშირებული პრობლემები ვერ მოაგვარა.
და გაგრა უმაღლეს ლიგაში დაუშვეს. და აქვე უნდა აღინიშნოს ისიც, რომ პირველივე ტურში საფეხბურთო კლუბმა გაგრამ თბილისის დინამოსთან ითამაშა და ისტორიული გამარჯვება მოიპოვა. ახალგაზრდა, გამოუცდელმა ფეხბურთელებმა მოუგეს ქვეყნის ჩემპიონს, ტიტულოვან დინამოს.
|
| კატეგორია: ისტორიები | დაამატა: Admin2 (21.02.2010)
|
| ნანახია: 1194
| რეიტინგი: 0.0/0 |
|
|
| რეკლამა |
 |
|
|
