მადრიდის "რეალის" მთავარმა მწვრთნელმა ჟოზე მაურინიომ ინგლისის ჩემპიონატის შესახებ პროგნოზი გააკეთა. პრემიერლიგა სულ 2 ტურია, რაც დაიწყო, სატურნირო ცხრილს კი 6 ქულით "ჩელსი" ლიდერობს. პორტუგალიელმა სპეციალისტმა "არსენალისა" და "ლივერპულის" შანსებზე ისაუბრა. "ვფიქრობ, ჩემპიონობის მთავარი პრეტენდენტები "ჩელსი", "მანჩესტერ იუნაიტედი" და "მანჩესტერ სიტი" არიან. ჩემი აზრით, "ლივერპული" ფავორიტად არ უნდა ჩაითვალოს. როი ჰოჯსონი საკმაოდ მძიმე მდგომარეობაშია. მერსისაიდელები უფრო და უფრო ცუდად თამაშობენ. ვფიქრობ, რომ წელს ისინი საერთოდ არასწორი გზით ვითარდებიან. რაც შეეხება "არსენალს", გასაკვირს არაფერს ვიტყვი. ისინი ყოველ წელს არც თუ ისე ცუდად გამოიყურებიან, თუმცა ... ყოველ წელს ერთი და იგივე კომენტარები - "გუნდი საკმაოდ ახალგაზრდაა, უნდა დაველოდოთ მომავალ სეზონს", მაგრამ არსენ ვენგერს ძველებურად ზედმეტად ახალგაზრდული გუნდი არ ჰყავს, ფეხბურთელები უკვე 25 - 27 წლისები არიან. მათ დიდი ხანია მიაღწიეს იმ ასაკს, როდესაც ფეხბურთელები ჩემპიონები ხდებიან. უკვე საეჭვოა, მათ საერთოდ შეუძლიათ თუ არა გახდნენ ჩემპიონები. ვფიქრობ, პრემიერლიგას მოიგებს "ჩელსი" ან "მანჩესტერი". რა თქმა უნდა, "სიტისაც" საკმაოდ კარგი შემადგენლობა ჰყავს", - განაცხადა მაურინიომ.
ბექა დოგრაშვილი
| 
