”ლოკომოტივი” თბილისი (ისტორია) - ისტორიები - სტატიების კატალოგი

"ლოკომოტივი” დაარსდა 1936 წელს. გამოდიოდა ომც ”ლოკომოტივის” (1988-89), ”მერანის” (1990-93), ”მერანი-ბაჩოს” (1993-95) სახელწოდებით. თამაშობდა სსრკ ჩემპიონატების უმაღლეს (1938, 40), I (1939, 1946-48, 1959-70), II (1936-37, 1981-82, 1984-86, 1988-89) ლიგებში და საქართველოს სსრ ჩემპიონატის I ჯგუფში (1937, 1943, 1945, 1955-56, 1971-75, 1983). 1990 წლიდან მონაწილეობს საქართველოს ეროვნულ ჩემპიონატებში: უმაღლეს (1997 წლიდან), პირველ (1991-95, 1996-97) და მეორე (1990-91) ლიგებში. საქართველოს ჩემპიონატის ორგზის მეორე (2001, 02) და მესამე (1999) პრიზიორი. საქართველოს თასის სამგზის მფლობელი (2000, 02, 05) და ფინალისტი (2001). ევროპის საკლუბო ტურნირებში მონაწილეობს 1999 წლიდან. უეფას თასზე ითამაშა 10 მატჩი (1 მოგება, 3 ფრე, 6 წაგება). სტადიონი მიხეილ მესხის სახელობის სტადიონი — სტადიონი თბილისში, ყოფილი "ლოკომოტივი". აქ ტარდება შეჯიბრებები ფეხბურთსა და მსუბუქ ათლეტიზმში. საფეხბურთო კლუბი "ლოკომოტივის" საშინაო მოედანია. სტადიონი 24 680 მაყურებელს იტევს. აქვე ხშირად ტარდება საქართველოს შიდა ჩემპიონატის მატჩები. სტადიონს განთქმული ქართველი ფეხბურთელი მიხეილ მესხის სახელი ქვია. სტადიონი ტევადობით მეორეა საქართველოში, ბორის პაიჭაძის ეროვნული სტადიონის შემდეგ.
1 2 3 4 5 კატეგორია: ისტორიები \| დაამატა: Admin2 (21.02.2010)
ნანახია: 854 \| რეიტინგი: 0.0/0