ჩემპიონთა ლიგაში , რუსთავის "ოლიმპის" მომავალი მეტოქის, ''აქტობეს"  მთავარმა მწვრთნელმა , ვლადიმერ მუხანოვმა ინტერვიუ მისცა ყახაზურ გაზეთ "ევრიკას",სადაც მან ისაუბრა გუნდის მზადების შესახებ, სატრანსფერო საკითხებზე  და ქართველებთან მოახლოებულ დაპირისპირებაზე.

აღნიშნული ინტერვიუ ინტერესმოკლებული არც ქართველი გულშემატკივრებისათვის უნდა იყოს :

- შემადგენლობაში ცვლილებები ჯერ-ჯერობით უმნიშვნელოა - აცხადებს მუხანოვი - ამჟამად ჩვენთან გასინჯვაზეა "ოკჟეტპესის" ახალგაზრდა მცველი იური მოკოუსოვი. მასთან დაკავშირებით  გადაწყვეტილება ჯერ  არ მიგვიღია. უკვე გადაწყვეტილია,რომ ჩვენთან ითამაშებს "ჟეტისუს" სერბი ლეგიონერი ივან პერიჩი. ვფიქრობ, პერიჩს შეუძლია კლუბს სარგებელი მოუტანოს ყაზახეთის ჩემპიონატისა და ჩემპიონთა ლიგის გადამწყვეტ თამაშებში. მის სანაცვლოდ, ჩვენ დენის როდიონოვი დავთმეთ.

10 ივლისამდე, "აქტობე" მოსკოვში იქნება მოსამზადებელ შეკრებაზე. არ არის გამორიცხული, მოსკოვში რამოდენიმე ახალი ფეხბურთელი გავსინჯოთ.

- გავრცელდა ინფორმაცია, რომ ყარაგანდის "შახტიორის" ფორვარდი, ანდრეი ფინონჩენკო, "აქტობეში" გააგრძელებს კარიერას. რამდენად შეესაბამება აღნიშნული სიმართლეს ?

- ვერაფერს გეტყვით. უმეტესად, ეს სატრანსფერო მითქმა-მოთქმის ნაწილია. ისეთ მოთამაშეს,როგორიც ფინონჩენკოა, ბევრი გუნდი სიამოვნებით იხილავდა თავის რიგებში. ( ანდრეი ფინონჩენკომ უკვე ითამაშა ევროთასებზე "შახტიორის" შემადგენლობაში, პოლონური "რუხის" წინააღმდეგ. შესაბამისად, ვფიქრობ მისი "აქტობეში" გადასვლის შანსი მინიმალურია - მას ხომ ჩემპიონთა ლიგაში თამაშის უფლება არ ექნება ! ავტ. )

- როგორ მიდის მზადება ჩემპიონთა ლიგისათვის ?

- "ოლიმპის" შესასწავლად დრო საკმარისად გვაქვს. ვიდეომასალების დახმარებით, შევძლებთ გავაკრვიოთ რა დონის გუნდია ჩვენი მეტოქე.

P.S. გავრცელდა ინფორმაცია, რომ "აქტობემ" სეზონის ბოლომდე, იჯარის წესით  დაიმატა ნახევარმცველი  მარატ ხაირულინი. ამ უკანასკნელს, ადრეც უთამაშია ყაზახეთის ჩემპიონის რიგებში და გუნდის ერთ-ერთ წამყვან ფეხბურთელადაც ითვლებოდა.აღნიშნული ინფორმაცია, ჯერ-ჯერობით ოფიციალურად არ დადასტურებულა.

goli.ge