| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » მაისი » 29 » ”ვაი, ქართველებზე”
|
ახლა მეორე პრობლემაზე, ჰიმნის დროს ჯდომაზე ვისაუბროთ. ეს ფაქტი
უკანასკნელად საქართველოს თასის ფინალში მოხდა. ეროვნული ჰიმნის დროს
ფეხზე ბევრი წამოდგა, თუმცა იყვნენ ისეთებიც, რომლებმაც არ იკადრეს ერთი
ადგილის აწევა. ეროვნული ჰიმნი ისეთი რამაა, რისი გაგონების დროსაც ტანში
უნდა გაჟრიალებდეს, გული გიჩქარდებოდეს. ესენი კი ისხდნენ სკამებზე,
მიირთმევდნენ მზესუმზირას და უაზროდ იღრიჭებოდნენ. მერე გავიდოდნენ
სტადიონიდან და იტყოდნენ, ქართველები ევროპელები ვართო, თუმცა ასე
ევროპაში კი არა, აზიაშიც აღარ იქცევია. ძმაო, თუ გინდა, რომ სხვა ქვეყნის
შვილი გახდე, ეს უკვე შესაძლებელია. შენ ქართველს მაინც ვერ გიწოდებ, გახდი
ევროპელი ან ამერიკელი, მაგრამ ვაჟა-ფშაველას სიტყვებს გაგახსენებ:
”პატრიოტიზმი უფრო გრძნობის საქმეა, ვიდრე ჭკუა-გონებისა, თუმცა
კეთილგონიერება მუდამ ყოფილა და არის მისი მათაყვანებელი და
პატივისმცემელი. კოსმოპოლიტიზმი მხოლოდ ჭკუის ნაყოფია, ადამიანის
კეთილდღეობისა, მას ადამიანის გულთან საქმე არა აქვს, იგი საღსარია იმ
უბედურობის ასაცილებლად, რომელიც დღემდის მთელს კაცობრიობას თავს
დასტრიალებს.
ამიტომ კოსმოპოლიტიზმი ასე უნდა გვესმოდეს: გიყვარდეს შენი ერი, შენი
ქვეყანა, იღვაწე მის საკეთილდღეოდ, ნუ გძულს სხვა ერები და ნუ გშურს
იმათთვის ბედნიერება, ნუ შეუშლი იმათ მისწრაფებას ხელს და ეცადე, რომ შენი
სამშობლო არავინ დაჩაგროს და გაუთანასწორდე მოწინავე ერებს. ვინც უარყოფს
თავის ეროვნებას, თავის ქვეყანას იმ ფიქრით, ვითომ კოსმოპოლიტი ვარო, ის
არის მახინჯი გრძნობის პატრონი, იგი თავისავე შეუმჩნევლად დიდი მტერია
კაცობრიობისა”...
ყველაზე სამწუხაროა ის, რომ ჰიმნის დროს სკამზე დამსხდარი ახალგაზრდების
წინ ჩანან ფეხზე წამომდგარი ასაკოვანი ადამიანები, რაც სიმბოლურად ასე
მომეჩვენა-სქართველოს წარსული და მომავალი. გაიგეთ რა, ჰიმნის დროს ფეხზე წამოდგომა არც სირცხვილია და არც ”გრეხი”. და კიდევ ერთი, ძალიან გთხოვთ,
მეტოქე გუნდის ჰიმნის დროს არ უსტვინოთ, თითქოს მოსისხლე მტრის ჰიმნი
ისმოდეს. სამარცხვინო იყო, საქართველო-კვიპროსის მატჩის დროს,
კუნძულელების ჰიმნს როგორი სტვენით შეხვდა ეროვნული სტადიონი. უეფას
რეკლამებში წამდაუწუმ Respect-ის რეკლამა გადის. Respect ანუ პატივისცემა
მარტო ფეხბურთელებს შორის კი არ უნდა იყოს, პირველ რიგში გულშემატკივრებმა
უნდა გაიზიარონ. ასე რომ, ვისაც ეს სტატია ეხება, ან შეიცვალეთ, ან აღარ
მოხვიდეთ სტადიონზე. ასე აჯობებს!
ბექა დოგრაშვილი
|
|
ნანახია: 1005 |
დაამატა: Admin2
| რეიტინგი: 5.0/1 |
|
|
| რეკლამა |
 |
|
|
