ჩვენი საქმე ქართული ფეხბურთია!
                               ხუთშაბათი, 20.07.2017, 17:36


თქვენ შემოხვედით როგორც სტუმარი | ჯგუფი "სტუმრები"მოგესალმებისტუმარიRSS   







მენიუ
შესვლის ფორმა
რეკლამა
ძებნა
ჩათი
სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
Live ანგარიშები
კვირის ვიდეო
კალენდარი
«  აპრილი 2011  »
ორსამოთხხუთპარშაბკვ
    123
45678910
11121314151617
18192021222324
252627282930
ჩანაწერების არქივი
  
მთავარი » 2011 » აპრილი » 14 » თემურ ქეცბაია: "საქართველოს ნაკრებს მებრძოლი სული შთავბერე"
12:25
თემურ ქეცბაია: "საქართველოს ნაკრებს მებრძოლი სული შთავბერე"


ბრიტანულმა "Sunday sun"-მა საქართველოს ნაკრების თავკაცს, თემურ ქეცბაიას სტატია მიუძღვნა. მისი ავტორი - ჟურნალისტი მარკ დუგლასი შეეცადა, ქეცბაიას ხელში საქართველოს ნაკრების სასწაულებრივი პროგრესის საიდუმლო ამოეხსნა და მგონი გამოუვიდა კიდეც. საამისოდ მან თავად ქეცბაიას ციტატები მოიშველია.

ქართველ გულშემატკივრებს ამ საინტერესო სტატიას მცირე შემოკლებით გთავაზობთ:

ინგლისელ გულშემატკივრებს ახსოვთ - თემურ ქეცბაიამ "სენტ ჯეიმს პარკზე" სამი დასამახსოვრებელი სეზონი გაატარა. "ნიუკასლის" ყოფილი ნახევარმცველი ამჟამად შთამბეჭდავ სამწვრთნელო კარიერას იქმნის და თუ საქართველოს ეროვნულ ნაკრებს ევრო-2012-ის ფინალურ ეტაპზეც გაიყვანს, ნამდვილ სასწაულს მოახდენს.

არადა, შარშან ქეცბაიამ მსოფლიოს რეიტინგში 122-ე ადგილზე მყოფი ნაკრები ჩაიბარა, რომელიც ბოსტვანას და პანამას ჩამორჩებოდა. ეროვნული ჩემპიონატი კი ამ ნაკრების დონესაც ვერ შეესაბამებოდა. მეტი თვალსაჩინოებისთვის გეტყვით, რომ მთავარი მწვრთნელის პოსტზე მის დანიშვნამდე საქართველოს ნაკრებს 18 თვის მანძილზე თამაში არ ჰქონდა მოგებული.

მაგრამ ქეცბაიას ერთწლიანი ხელმძღვანელობის შემდეგ გუნდმა, 60 ათასი ქართველი გულშემატკივრის წინაშე, თვით ხორვატია დაამარცხა  - ეს გახდა ათი წაუგებელი თამაშის მწვერვალი, ერთწლიანი სრბოლის პიკი...

ქეცბაიას შეგირდებმა ევრო 2012-ის შესარჩევ ციკლში პირველი დამარცხება ისრაელში, ხორვატებთან თამაშიდან რამდენიმე დღის შემდეგ იწვნიეს, მაგრამ ჯგუფის ლიდერ საბერძნეთს მხოლოდ 2 ქულით ჩამორჩებიან და მომავალი წლის ზაფხულში პოლონეთსა და უკრაინაში თამაშის შანსს ინარჩუნებენ.

ისრაელში ყოფნის დროს ქეცბაიამ "Sunday Sun"-თან საუბრისას განაცხადა:

"ერთი შეხედვით დაუჯერებელია, რომ საქართველოს ნაკრები ევრო 2012-ის ფინალურ ეტაპზე გავა. ეს მსოფლიოს ჩემპიონატის მოგების ტოლფასი იქნება, მაგრამ 9 ქულით ჩვენ ამის გაკეთება მართლა შეგვიძლია და ის, რაც ხორვატიასთან მოვახერხეთ, რწმენასა და თავდაჯერებას გვმატებს.

რა დასამალია, ხორვატიას მეტი შანსი ჰქონდა იმ მატჩში, მაგრამ ჩვენმა სულისკვეთებამ გაგვამარჯვებინა. ჩვენი თამაში ლამაზი არ ყოფილა, მაგრამ ჩვენი ბრძოლისუნარიანობა ბრწყინვალე სანახავი იყო.

პოსტზე მოსვლის პირველივე დღეს ვთქვი, რომ მსურდა მოთამაშეებისთვის საქართველოს ნაკრებში გამოსვლა საამაყო გამეხადა. ისინი საკუთარ ქვეყანას წარმოადგენენ და მინდა ამით ისევე ამაყობდნენ, როგორც მე ვამაყობდი, როდესაც ნაკრების მაისური მეცვა.

სამწუხაროდ ისრაელთან თამაში ჩვენთვის მეტისმეტად რთული გამოდგა, მაგრამ ამჟამად იმ პოზიციაზე ვიმყოფებით, რომლითაც ჯგუფური ეტაპის დასაწყისში მხოლოდ ვოცნებობდით. ისეთ ადგილზე ვართ, რომ სასწაულის მოხდენა შეგვიძლია..."

შეგახსენებთ, ქეცბაიამ თავისი სამწვრთნელო კარიერის დასაწყისში ნაკლებად ცნობილი კვიპროსული გუნდი "ანორთოსისი" ჩემპიონთა ლიგის ჯგუფურ ეტაპზე გაიყვანა და თავის ამჟამინდელ სამუშაოსაც იმავე ფილოსოფიით უდგება.

"ყველაფერი გუნდის სულზეა დამოკიდებული. ნაკრებთან ერთად მხოლოდ რამდენიმე დღეს ვატარებ, მაგრამ მინდა მოთამაშეები ისეთივენი იყვნენ, როგორებიც კლუბებში არიან. არ აქვს მნიშვნელობა, სად თამაშობენ, რამდენს იღებენ ხელფასს ან რომელ ლიგაში გამოდიან - როდესაც ისინი ჩვენ გვიერთდებიან, ყველანი თანასწორნი არიან და სანაკრებო მაისურისთვის იბრძვიან.

გუდნის თავიდან შენება რთული იყო. საქართველოს ჩემპიონატი ძლიერი არ არის და ნაკრების ფეხბურთელების 99 პროცენტი საზღვარგარეთ თამაშობს. თანაც, ზოგი ხვდება თავისი გუნდის ძირითადში, ზოგიც ვერა. როგორ უნდა შემექმნა ძლიერი ნაკრები ასეთ მდგომარეობაში? წარმატების მისაღწევად გუნდისთვის მებრძოლი სული უნდა შთამებერა. ფეხბურთელებს ნაკრებში თავი ამაყად უნდა ეგრძნოთ.

ყოველივე ამან ერთი წლის შემდეგ უკვე სრულიად განსხვავებულ გუნდამდე მიგვიყვანა"


ნანახია: 224 | დაამატა: Administrator | რეიტინგი: 0.0/0
სულ კომენტარები: 0
სახელი *:
Email *:
კოდი *:
რეკლამა
რეკლამა
რეკლამა
ქართული ფეხბურთი
www.pexburti.tk
მთვლელები

chat FX online casino rushmore casino Free counters
[ ვინ იყო საიტზე დღეს ]
Block title


http://www.footballimpact.com/wp-content/gallery/logos-equipos/fc-zestafoni.pnghttp://internet.ge/v2/news_images/200908141806.pnghttp://sportall.ambebi.ge/images/stories/photo/qartuli_fexburti/legioners/sioni_medium.jpg
http://internet.ge/v2/news_images/200909162559.jpghttp://cdn.serverloft.de/854060_35/bilder/wappen/mittel/13623.gifhttp://sportall.ambebi.ge/images/stories/photo/qartuli_fexburti/championship/torpedoaxaltaxalismyk_medium.jpg









ქართული ფეხბურთი www.pexburti.tk © 2017
ჩვენი საქმე ქართული ფეხბურთია!