ჩვენი საქმე ქართული ფეხბურთია!
                               ოთხშაბათი, 20.09.2017, 10:22


თქვენ შემოხვედით როგორც სტუმარი | ჯგუფი "სტუმრები"მოგესალმებისტუმარიRSS   







მენიუ
შესვლის ფორმა
რეკლამა
ძებნა
ჩათი
სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
Live ანგარიშები
კვირის ვიდეო
კალენდარი
«  სექტემბერი 2010  »
ორსამოთხხუთპარშაბკვ
  12345
6789101112
13141516171819
20212223242526
27282930
ჩანაწერების არქივი
  
მთავარი » 2010 » სექტემბერი » 6 » თემურ ქეცბაია: "ეს ორი დღე მაინც მოგვასვენონ"!
12:13
თემურ ქეცბაია: "ეს ორი დღე მაინც მოგვასვენონ"!
http://sportall.ambebi.ge/images/stories/photo/qartuli_fexburti/Nakrebi/lll_medium.jpg

სასტუმრო, რომელიც შეიძლება ასიდან ასმა თბილისელმაც არ იცოდეს, ვაშლიჯვრის მეურნეობის ტერიტორიაზე მდებარეობს. წყნარი, მყუდრო და კომფორტული სასტუმროა და... მიუდგომელიც. სწორედ ამ სასტუმროში დააბინავა თემურ ქეცბაიამ ეროვნული ნაკრები. მწვრთნელი მიიჩნევს, რომ გუნდის მოსამზადებლად აქ მშვენიერი ადგილია. ეს თემა ნაკრების მთავარმა მწვრთნელმა პრესკონფერენციაზეც ახსენა და მისი სიტყვებიდან გასაგები გახდა, თუ რატომ არჩია სასტუმრო, რომლის მიგნებაც თბილისელებსაც ძალიან გაუჭირდებათ.

საბერძნეთში ფრედ (1:1) დასრულებული მატჩის შემდეგ "თემური და მისი რაზმი" სამშობლოში დაბრუნდა და 7 სექტემბერს ისრაელთან საშინაო მატჩისთვის მზადება დაიწყო. ხსენებულ სასტუმროში გუშინ ნაკრების მთავარმა მწვრთნელმა პრესკონფერენცია კაპიტან კახა კალაძესა და ლევან კობიაშვილთან ერთად გამართა.

- პირველ ყოვლისა, მსურს გითხრათ, რომ საბერძნეთში ბიჭებმა ყველაფერი გააკეთეს იმისთვის, რომ კარგი შედეგით წამოვსულიყავით. ახლა მთავარია, ამ შედეგებით არ დავკმაყოფილდეთ და ასევე გავაგრძელოთ. პირეოსში იოლი მატჩი არ გვქონია, მაგრამ აქ ისრაელთან უფრო რთული შეხვედრა გველის. მართალია, ჩვენს ჯგუფში ფავორიტებად საბერძნეთსა და ხორვატიას მიიჩნევიან, მაგრამ ისრაელი მათზე ნაკლები ნამდვილად არ არის. მათ რამდენჯერმე შევხვდით და ყოველთვის კარგ შთაბეჭდილებას ტოვებდნენ. იმედია, ხალხი მოვა, სტადიონს შეავსებს და წარმატებულ სტარტს უფრო მეტი წარმატებით გავაგრძელებთ.

საამისოდ კი, მაქსიმალური მობლიზაცია გვჭირდება. ამიტომ, ჩემი თხოვნა იქნება ნათესავების, მეგობრებისა და ოჯახის წევრებისადმი - ფეხბურთელებს ამ ორ დღეს მაინც ნუ შეაწუხებთ და ამით დაგვეხმარეთ, რომ ისრაელისთვის კარგად მოვემზადოთ. ბოლო წლებში ნაკრების შეკრებისას ეს რეალური პრობლემა იყო, მილიონი ადამიანი თავისი პრობლემებითა და გაჭირვებით მოდიოდა. ამიტომ გვინდა, ეს ორი დღე მთლიანდ თამაშისთვის მზადებას დავუთმოთ. ამით იყო სწორედ სასარგებლო კვიპროსული შეკრება და აქაც მსგავსი გარემო გვინდა. მადლობა სასტუმროს მეპატრონეებს, რომლებმაც კარგი პირობები შეგვიქმნეს.

- თქვენ თქვით, ისრაელთან უფრო რთული თამაში იქნებაო. რატომ?
- პირველი მატჩი მალტასთან 3:1 მოიგეს და ჩვეულებრივზე მეტად მობილიზებულები იქნებიან. მათთვის ადვილია ძლიერი ნაკრების ჩამოყალიბება, რადგან ეროვნული ჩემპიონატის მოთამაშეებით არიან დაკომპლექტებული და რამდენიმე ლეგიონერი ჰყავთ.

- ისრაელის გამოკვეთილი ლიდერი გუნდის კაპიტანია იოსი ბენაიუნია. მთლიანად გუნდს როგორ დაახასიათებდით?
- ბენაიუნი რომ ძალიან კარგ ფორმაშია, მალტასთანაც გამოჩნდა, სადაც 3 გოლი გაიტანა, თუმცა სხვა ძლიერი მოთამაშეებიც ჰყავთ. ისრაელს ჩემპიონთა ლიგაში გუნდი ჰყავს. ნაკრების წევრთა უმრავლესობა ადგილობრივი პირველობიდან აიყვანეს, ესე იგი, მაღალი დონის ჩემპიონატი აქვთ. ეს არ ნიშნავს, რომ ჩვენ არ ვიბრძოლებთ, თუკი ბიჭები ისეთივე მონდომებით ითამაშებენ, როგორც საბერძნეთთან, წარმატებას მივაღწევთ.

- ნაკრებში მოსვლის შემდეგ რამდენიმე ფეხბურთელს პოზიცია შეუცვალეთ: ახლა კალაძე მარცხენა მცველია, ხიზანიშვილს კი, "ნორჩი დინამოელის" შემდეგ, საყრდენად თამაში გაახსენეთ. ასეთი ცვლილებების აუცილებლობა რამ გიკარნახათ?
- მე არ ვიცი, ხიზანიშვილი "ნორჩ დინამოელში" რა პოზიციაზე თამაშობდა, შეიძლება, მიზანშეწონილი არცაა ზოგიერთი ფეხბურთელის სხვა ადგილზე დაყენება, მაგრამ მიმაჩნია, რომ ეს ბიჭები საბერძნეთში თავთავიანთ პოზიციებზე სასარგებლონი იყვნენ. მოგება თუ გვსურს, ტაქტიკურად სხვა თამაში უნდა ვითამაშოთ, უნდა შევუტიოთ. ამიტომ ტაქტიკური ცვლილებები იქნება. კარგია, რომ ბევრი უნივერსალური ფეხბურთელები გვყავს, მათ რამდენიმე პოზიციაზე შეუძლიათ თამაში. ისრაელთან მატჩი გვაჩვენებს, რა შეგვიძლია. 7 სექტემბერს თუ ვერ მოვიგეთ, ჯგუფიდან გასვლაზე ლაპარაკიც ზედმეტი იქნება.

- საბერძნეთთან მატჩმა რაიმე თვალსაზრისით უკმაყოფილება დაგიტოვათ?
- ვერ ვიტყვი, რომ უკმაყოფილო ვარ ბიჭებით, მათი მონდომებითა და თავდადებით. ფეხბურთელებმა ყველაფერი გააკეთეს იმისთვის, რომ ბერძნებისთვის არაფერი დაეთმოთ. 3 ქულის მოპოვებაც შეგვეძლო, თუმცა არ მინდა ვთქვა, რომ ბედი არ გვწყალობდა და ფრე ლოგიკური შედეგი არ იყო.

- კითხვა კახა კალაძესთან: სეიტარიდისთან კონფლიქტი რატომ მოგივიდათ?
კახა კალაძე: - ეს ფეხბურთია და მსგავსი ამბებიც ხდება, შეიძლება შენ ვერ მოზომო, ან მეტოქემ, ორივე ვნერვიულობდით და ჩვეულებრივი ამბავი იყო. სერიოზული არაფერი ყოფილა. შეხვედრას რაც შეეხება, მართლაც მაქსიმალურად კონცენტრირებულები ვიყავით და არაფერი დავთმეთ..

- მაყურებლის მხრიდან აგრესია თუ იყო?
- ჩვენი მიმართულებით არ ყოფილა. სტადიონზე შეკრებილი ჩვენი გულშემატკივარი კი 90 წუთი არ გაჩერებულა და ეს ერთ-ერთი ყველაზე სასიამოვნო სიურპრიზი იყო. ამისთვის საბერძნეთის ქართველობას უდიდესი მადლობა ეკუთვნის. ჩვენს წარმატებაში მათ საკმაოდ დიდი როლი შეასრულეს.

ლევან კობიაშვილი: - ქართველობა გუნდს ისე კარგად გულშემატკივრობდა, მათი აქ ჩამოყვანა გვინდოდა.
- ეტყობა, საბერძნეთში ქართველებს კარგი გულშემატკივრობაც ასწავლეს...
თემურ ქეცბაია: - არა მხოლოდ გულშემატკივრობა, ბევრი რამ ისწავლეს. ამ ხალხს უდიდესი მადლობა მინდა გადავუხადო.

კახა კალაძე: - მიმაჩნია, რომ ფრე ლოგიკური შედეგია. მართალია, ბერძნებს მეტის გატანაც შეეძლოთ, თუმცა ამის საშუალება არ მივეცით. გატანა ჩვენც შეგვეძლო.

ლევან კობიაშვილი: - ახალი გუნდი გვყავს, ახალი მწვრთნელი... ბევრი ისეთი ფეხბურთელი დაგვიბრუნდა, რომელთაც სხვადასხვა მიზეზებით, ადრე არ იწვევდნენ. მიხარია, გუნდი გუნდს რომ ემსგავსება. იგრძნობა უჩვეულო მონდომება, რომ თითოეულ ჩვენთაგანს წარმატების მიღწევა სურს. ბედნიერებაა, ამ ნაკრების წევრი რომ ვარ... ისრაელთან რთული თამაში გველის, თუმცა გასამარჯვებლად აქცენტი შეტევაზე უნდა გავაკეთოთ. იმედია, უკეთესი და უფრო დასამახსოვრებელი მატჩები გველის წინ. გულშემატკივრის თანადგომა ჩვენთვის ორმაგად მნიშვნელოვანია. იმედია, ისრაელთან ტრიბუნები შეივსება.

- ისრაელთთან ანანიძე ძირითადში იქნება?
თემურ ქეცბაია: - ცვლილებები იქნება, თუმცა სერიოზული არა. დაიცადეთ ორი დღე და გაიგებთ...

ამ დროს მოულოდნელად თემურ ქეცბაია კედლისკენ შეტრიალდა და იმ ადგილს გახედა, სადაც სარეკლამო ბანერებია განთავსებული. ვერ დაინახა და იკითხა:

- ისე, ჩვენ სპონსორები არ გვყავს? ასეთ პრესკონფერენციებზე ევროპაში ხალხი რიგს იკავებს. იმედია, ისე ვითამაშებთ, სპონსორები აქეთ მალე შეგვაწუხებენ... ახალგაზრდულის წარმატებაზეც მინდა ვთქვა: ძალიან დიდი ამბავი მოხდა. არ ვიცი, ახალგაზრდები ჯგუფიდან გავლენ თუ არა, თუმცა ამის შანსი აქვთ, მეორე ადგილზე არიან და ეს უკვე დიდი მიღწევაა. ახალგაზრდულ ნაკრებში არიან ფეხბურთელები, რომლებსაც ეროვნულში თამაში შეუძლიათ. მთელი ნაკრების სახელით, ოთარ გაბელიასა და ბიჭებს გამარჯვებას ვულოცავ.


"ლელო"
ნანახია: 247 | დაამატა: Administrator | რეიტინგი: 5.0/1
სულ კომენტარები: 0
სახელი *:
Email *:
კოდი *:
რეკლამა
რეკლამა
რეკლამა
ქართული ფეხბურთი
www.pexburti.tk
მთვლელები

chat FX online casino rushmore casino Free counters
[ ვინ იყო საიტზე დღეს ]
Block title


http://www.footballimpact.com/wp-content/gallery/logos-equipos/fc-zestafoni.pnghttp://internet.ge/v2/news_images/200908141806.pnghttp://sportall.ambebi.ge/images/stories/photo/qartuli_fexburti/legioners/sioni_medium.jpg
http://internet.ge/v2/news_images/200909162559.jpghttp://cdn.serverloft.de/854060_35/bilder/wappen/mittel/13623.gifhttp://sportall.ambebi.ge/images/stories/photo/qartuli_fexburti/championship/torpedoaxaltaxalismyk_medium.jpg









ქართული ფეხბურთი www.pexburti.tk © 2017
ჩვენი საქმე ქართული ფეხბურთია!