ჩვენი საქმე ქართული ფეხბურთია!
                               პარასკევი, 24.11.2017, 08:37


თქვენ შემოხვედით როგორც სტუმარი | ჯგუფი "სტუმრები"მოგესალმებისტუმარიRSS   







მენიუ
შესვლის ფორმა
რეკლამა
ძებნა
ჩათი
სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
Live ანგარიშები
კვირის ვიდეო
კალენდარი
«  დეკემბერი 2010  »
ორსამოთხხუთპარშაბკვ
  12345
6789101112
13141516171819
20212223242526
2728293031
ჩანაწერების არქივი
  
მთავარი » 2010 » დეკემბერი » 10 » თბილისის "დინამოს" ახალი მეპატრონე - რომან ფიფიაა
03:00
თბილისის "დინამოს" ახალი მეპატრონე - რომან ფიფიაა


საფეხბურთო კლუბ თბილისის "დინამოს" ბიზნესმენი რომან ფიფია შეიძენს. როგორც დღეს ბიზნესმენთან გამართული შეხვედრის შემდეგ საქართველოს ფეხბურთის ფედერაციის პრეზიდენტმა, ზვიად სიჭინავამ განაცხადა, საბოლოო შეთანხმებას კლუბის გასხვისების შესახებ ერთ კვირაში ლონდონში მოეწერება ხელი.

"რომან ფიფიას აქვს საკმაო გამოცდილება კლუბების მართვაში. მას რუსეთის მეორე ლიგის გუნდი უმაღლეს ლიგაში გადაუყვანია და დარწმუნებული ვარ, რომ "დინამოს" ძველ სახელს დაუბრუნებს. ყველა დეტალი პატარკაციშვილების ოჯახთანაც არის შეთანხმებული", - განაცხადა სიჭინავამ.

პატარკაციშვილების ოჯახში კი, გარიგების შესახებ ამ დრომდე არაფერი იციან.

როგორც "ინტერპრესნიუსს" ბადრი პატარკაციშვილის დამ, მზია პატარკაციშვილმა განუცხადა, ფიფია მათ არ შეხმიანებია და "დინამოს" გასხვისების შესახებ არავისთან ჰქონიათ მოლაპარაკება.

"ჩემმა ძმამ თავის დროზე იმიტომ იყიდა "დინამო", რომ დახმარებოდა კლუბს, ბიჭებს კარგად ეთამაშათ, თავიანთი საქმე ეკეთებინათ და კლუბი ფეხზე დამდგარიყო. ახლა ჩვენს ოჯახს მისი შენახვის საშუალება ნამდვილად არ აქვს და თუ ვინმე გამოჩნდება ისეთი, ვინც ხელს მოკიდებს გუნდს და დააფინანსებს, მხოლოდ მოხარულები ვიქნებით. თუმცა, ფიფიას და არც სხვა ვინმეს ამ წინადადებით ჩვენთვის არ მოუმართავთ", - განაცხადა მზია პატარკაციშვილმა.

რაც შეეხება "დინამოს" მომავალ მფლობელს, ფიფიას განცხადებით, გუნდის შეძენის შემთხვევაში, ის "დინამოში" რამდენიმე მილიონი დოლარის ინვესტირებას გეგმავს.

"ყველა გუნდს - ზესტაფონს, ქუთაისს და სხვებს გამოუჩნდათ პატრონი. "დინამოსაც" კარგი პატრონი სჭირდება, რომელიც მას ძველ დიდებას და თავის სახელს დაუბრუნებს", - განაცხადა შეხვედრის შემდეგ ფიფიამ.

რაც შეეხება ფიფიას, იგი დიდი ხნის განმავლობაში ცხოვრობდა რუსეთში და მასზე ცნობები რუსულენოვან ინტერნეტპორტალებზე მოვიძიეთ.

რომან (გულადი) ფიფია დაიბადა 1966 წელს გაგრაში. 1983 წელს გადავიდა რუსეთში და სარატოვში დასახლდა. დაამთავრა მოსკოვის სამომხმარებლო კოოპერაციის ინსტიტუტი და მოსკოვის მენეჯმენტის ინსტიტუტის სარატოვის ფილიალი. მუშაობდა ვაჭრობასა და კვების მრეწველობაში, "პერესტროიკის" პერიოდში კი კერძო ბიზნესი წამოიწყო.

80-იანი წლების მიწურულს დაარსა კოოპერატივი, რომელიც ძეხვეულს ამზადებდა. მისი მკვეთრი ნახტომი სარატოვის ოლქის გუბერნატორად დიმიტრი აიაცკოვის დანიშვნას უკავშირდებოდა, რომელთანაც დაახლოებულ პირად ითვლებოდა - იყო ჰოლდინგ "აგროროსის" მმართველი, რომელშიც 15 ხორბლის გადამამუშავებელი საწარმო გააერთიანა.

ფიფიას ეკუთვნოდა ალკოჰოლური პროდუქციის მწარმოებელი სამი ქარხანაც, რეგიონული ავიაკომპანია "სარატოვის ავიახაზებისა" და კომერციული ბანკ "აგროროსის" აქციები.

გუბერნატორ აიაცკოვის მოხსნის შემდეგ, ფიფია საფრანგეთში, ნიცაში გადაბარგდა. თუმცა, სამშობლოსთან კავშირი არ გაუწყვეტია და საქართველოში ხშირად ჩამოდიოდა.

ფიფიამ 2006 წელს თბილისში, რესტორან "არაგვის" ტერიტორიაზე წამოიწყო თანამედროვე ხუთვარსკვლავიანი სასტუმროსა და ბიზნეს-ცენტრ "ჰაიატი თბილისის" მშენებლობა, რომელიც 150 მილიონ დოლარად შეფასდა. თუმცა, ამჟამად მშენებლობა დაუსრულებელია.

ამასთან, ზოგიერთ ინტერნეტსაიტზე არის ინფორმაციაც, რომ ფიფია რუსეთში ძებნილად იყო გამოცხადებული. გარდა ამისა, იგი ყველაზე მდიდარი ქართველების სიაშიც მოხვდა. მისი ქონების ღირებულებად 500 მილიონია დასახელებული.

შეგახსენებთ, რომ ბადრი პატარკაციშვილის ოჯახმა კლუბის წილის სიმბოლურ ფასად გასხვისების შესახებ განცხადება 22 ნოემბერს გაავრცელა.


ნანახია: 198 | დაამატა: Administrator | რეიტინგი: 0.0/0
სულ კომენტარები: 0
სახელი *:
Email *:
კოდი *:
რეკლამა
რეკლამა
რეკლამა
ქართული ფეხბურთი
www.pexburti.tk
მთვლელები

chat FX online casino rushmore casino Free counters
[ ვინ იყო საიტზე დღეს ]
Block title


http://www.footballimpact.com/wp-content/gallery/logos-equipos/fc-zestafoni.pnghttp://internet.ge/v2/news_images/200908141806.pnghttp://sportall.ambebi.ge/images/stories/photo/qartuli_fexburti/legioners/sioni_medium.jpg
http://internet.ge/v2/news_images/200909162559.jpghttp://cdn.serverloft.de/854060_35/bilder/wappen/mittel/13623.gifhttp://sportall.ambebi.ge/images/stories/photo/qartuli_fexburti/championship/torpedoaxaltaxalismyk_medium.jpg









ქართული ფეხბურთი www.pexburti.tk © 2017
ჩვენი საქმე ქართული ფეხბურთია!