ჩვენი საქმე ქართული ფეხბურთია!
                               ორშაბათი, 20.11.2017, 10:32


თქვენ შემოხვედით როგორც სტუმარი | ჯგუფი "სტუმრები"მოგესალმებისტუმარიRSS   







მენიუ
შესვლის ფორმა
რეკლამა
ძებნა
ჩათი
სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
Live ანგარიშები
კვირის ვიდეო
კალენდარი
«  ნოემბერი 2010  »
ორსამოთხხუთპარშაბკვ
1234567
891011121314
15161718192021
22232425262728
2930
ჩანაწერების არქივი
  
მთავარი » 2010 » ნოემბერი » 27 » თბილისის "დინამო" ჯოზეფ კეის?
12:47
თბილისის "დინამო" ჯოზეფ კეის?


ახლა ყველა გაცხოველებული ვცდილობთ იმის გარკვევას, ვინ გახდება თბილისის "დინამოს" ახალი მეპატრონე. ეს ინტერესი შემთხვევითი არ არის. ბოლო ოცი წლის განმავლობაში კანონზომიერებად იქცა - თუკი საქართველოს 13-გზის ჩემპიონი ძლიერდებოდა, ნაკრები და ჩემპიონატი ცოცხლდებოდა, მაყურებელი კი შიშველ ტრიბუნას ოდნავ მაინც "მოსავდა". ვიღაცას ეს არ სიამოვნებს და ცდილობს, "დინამო" ერთ რიგით ქართულ კლუბად წარმოადგინოს, მაგრამ რეალობა ასეთია - "დინამოს" ფორმას მაგიური ძალა აქვს, ყოველ შემთხვევაში, ეს ძალა საქართველოში მაინც შერჩა და ჭრის მოწინააღმდეგესთან, სპონსორთან და გულშემატკივართან.

ეს მხოლოდ ჩვენი აზრი არაა, თბილისის "დინამო" ეროვნული ჩემპიონატის აუტსაიდერიც რომ იყოს, ვეროპული ტელესააგენტოები მას უფრო სარფიან კონტრაქტს შესთავაზებენ, ვიდრე "დინამოზე" წინ მყოფ გუნდებს - სახელი, ტრადიცია და მიღწევები ევროპაში მაინც ფასობს.

თუმცა ბოლო დროს "დინამოში" დატრიალებული მოვლენები ამ შეხედულებას ეწინააღმდეგება. ყველაზე ტიტულოვანი ქართული კლუბის პატრონის მოძებნა გაძნელდა. და ამის კვალად უცებ გავარდა ხმა, თბილისის "დინამოს" ჯოზეფ კეი ყიდულობსო - ბადრი პატარკაციშვილის ნათესავი ბიზნესმენი, რომელიც მის ოჯახს მემკვიდრეობის გამო ედავება.

გავრცელდა ხმები, ჯოზეფ კეი სამტრედიაში "დინამოს" წინა ტურის შეხვედრას დაესწროო. გადამოწმების შემდეგ ცხადი გახდა, რომ ეს მორიგი ჭორია - სამტრედიის სტადიონზე საპატიო სტუმრების ლოჟა იმდენად პატარაა, იქ მსხდომები ერთმანეთს კარგად ხედავენ და შეუძლებელი იყო, ცნობილი ბიზნესმენის გამოჩენა შეუმჩნეველი დარჩენილიყო.

მოკლედ, ჯოზეფ კეი სამტრედიის სტადიონის ყველაზე კომფორტულ ადგილზე არ უნახავთ არც "დინამოს" ხელმძღვანელებს და არც "სამტრედიასი". ძნელი წარმოსადგენი და დაუჯერებელიცაა, ბიზნესმენი სტადიონზე გადაცმული მისულიყო და ხალხში დამჯდარიყო - უსაფრთხოების ზომებიდან გამომდინარე, დაცვა ამის უფლებას არ მისცემდა. ბიზნესმენთან დაკავშირებულმა პიროვნებამ გვითხრა კიდეც, არ დაიჯეროთ, კეი "დინამოს" ყიდვას არ აპირებსო.

ჯოზეფ კეის და ბადრი პატარკაციშვილს ოჯახს მემკვიდრეობის გამო ხანგრძლივი დავა აქვთ და ასეთ პირობებში აბსურდია იმაზე ფიქრიც კი, რომ ოჯახი კეის რაიმე კუთვნილებას, ამ შემთხვევაში თბილისის "დინამოს" უსასყიდლოდ და სიხარულით გადასცემს. ესეც რომ არა, კეი რუსთავის "ოლიმპს" აფინანსებს, საქართველოში ორი კლუბის შენახვის "სიამოვნება" კი არც ერთ ბიზნესმენს არ მოხიბლავს. სურვილი რომც ჰქონდეს, უფლება არ აქვს - უეფა ერთი და იმავე პიროვნებას ორი კლუბის პატრონობას კატეგორიულად უკრძალავს. სხვათა შორის, ესეც ერთერთი არგუმენტია, რატომ არ სურს ილია კოკაიას "დინამოს" ყიდვა.

რაც შეეხება უფრო რეალურ ამბებს: როგორც შევიტყვეთ, თბილისის "დინამოს" დღევანდელ მმართველებს რამდენიმე პიროვნება დაუკავშირდა და დაინტერესდა, რა პირობებით შეიძლება გუნდის ყიდვა. თუმცა ამის იქით ლაპარაკი აღარ გაგრძელებულა და არც კონკრეტული მოლაპარაკება დაწყებულა. მანამდე კლუბით ხუთი ბიზნესმენის დაინტერესება სცადეს და მაშინაც უშედეგოდ.

რა ხდება? ბიზნესმენებს ფულის გამოჩენის ეშინიათ, ბადრის ქონების ყიდვას ერიდებიან თუ ფეხბურთმა დაკარგა თავისი ხიბლი სოციალური მნიშვნელობა?

კიდევ ერთი ჭორი რუსთავის "ოლიმპში" ქვემო ქართლის გუბერნატორის დავით კირკიტაძის დაბრუნებას უკავშირდება. კაცი საგუბერნიო საქმეებზე არანაკლებად საფეხბურთო კლუბებზე ("ოლიმპი" და "სიონი") ზრუნავდა. თუმცა ჩემპიონთა ლიგის საკვალიფიკაციო ეტაპიდან "ოლიმპის" გამოვარდნის შემდეგ გუნდზე გული აიცრუა და რუსთავის სტადიონზე მხოლოდ დუბლების მატჩებზე დადის, უმაღლესლიგელთაგან კი ქუთაისის "ტორპედოსა" და "ვიტ ჯორჯიას" შეხვედრას დაესწრო.

ხმების თანახმად, კლუბიდან მისი ვიცე-პრეზიდენტი ზურაბ ჯაფარიძე მიდიოდა და კირკიტაძე ბრუნდებოდა, რაც ჯაფარიძემ კატეგორიულად უარყო: "დათო შეძლებისდაგვარად ყოველთვის გვეხმარებოდა, მაგრამ "ოლიმპში" ოფიციალურად მის მოსვლაზე ლაპარაკი ტყუილია და არც მე გადამიწვეტია ფეხბურიდან წასვლა - ეს აბსურდია".


ყოველდღიური სპორტული გაზეთი
"ლელო"



ნანახია: 283 | დაამატა: Administrator | რეიტინგი: 0.0/0
სულ კომენტარები: 0
სახელი *:
Email *:
კოდი *:
რეკლამა
რეკლამა
რეკლამა
ქართული ფეხბურთი
www.pexburti.tk
მთვლელები

chat FX online casino rushmore casino Free counters
[ ვინ იყო საიტზე დღეს ]
Block title


http://www.footballimpact.com/wp-content/gallery/logos-equipos/fc-zestafoni.pnghttp://internet.ge/v2/news_images/200908141806.pnghttp://sportall.ambebi.ge/images/stories/photo/qartuli_fexburti/legioners/sioni_medium.jpg
http://internet.ge/v2/news_images/200909162559.jpghttp://cdn.serverloft.de/854060_35/bilder/wappen/mittel/13623.gifhttp://sportall.ambebi.ge/images/stories/photo/qartuli_fexburti/championship/torpedoaxaltaxalismyk_medium.jpg









ქართული ფეხბურთი www.pexburti.tk © 2017
ჩვენი საქმე ქართული ფეხბურთია!