გრძელდება ტრანსფერები ქუთაისის 'ტორპედოში'.

როგორც ადრე გითხარით, გუნდმა დაიმატა სევასტი თოდუა, რომელსაც 'ბაიასთან' კონტრაქტი დაუმთავრდა.

გუნდში ასევე ჩაირიცხა ზაურ ხაჭიპერიძე, ფორვარდი, რომელმაც გასულ ჩემპიონატში `სამტრედიის` რიგებიდან გამოიჩინა თავი. მას შემოთავაზებები უცხოეთიდანაც ჰქონდა, მაგრამ ქუთაისის `ტორპედოში` არჩია კარიერის გაგრძელება.

კიდევ ერთი ფორვარდი, რომელიც ნესტორ მუმლაძემ დაიმატა - გიორგი მაისურაძეა, რომელიც ბოლნისის 'სიონის' შემადგენლობაში გამოდიოდა.

მესამე ფორვარდი `ტორპედომ` ფოთის 'კოლხეთიდან'  გადმოიყვანა - დავით ციცხვაია.

goli.ge