ჩვენს საიტის ერთგულ მომხმარებელს ადრეც შევთავაზეთ სტატია ქუთაისის ცენტრალურ სტადიონზე მიმდინარე სარეკონსტრუქცია სამუშაოების შესახებ.ახლა კი, ვფიქრობთ,რომ კიდევ ერთ საინტერესო მასლას შემოგთავაზებთ. მანამდე კი, ორიოდე სიტყვა ახალ სტადიონზე.
  სავარაუდოდ, ქუთაისში სტადიონის რეკონსტრუქციის პირველი ეტაპი 20 მაისს დასრულდება, ხოლო საბოლოო სახეს ქუთათურთა არენა წლის ბოლოს მიიღებს. სტადიონის რეკონსტრუქციისათვის სახელმწიფომ 3 მილიონი ლარი გამოყო. სამუშაოოებს  შპს "დაგი" ახორციელებს. სტადიონის ელფერი მნიშვნელოვნად შეიცვლება. მთლიანად გადაიხურება დასავლეთ ტრიბუნა, ასევე იგეგმება ტრიბუნების რაოდენობის შემცირება (ახალი სტადიონი 14-15 ათას ქომაგს დაიტევს ). ქუთაისელი გულშემატკივარი ამით, ბუნებრივია უკმაყოფილოა, რადგან, როდესაც ''ტორპედო'' კარგად გამოდიოდა 20 ათასიან სტადიონზეც კი ტევა აღარ იყო. ამ სიახლეში   დადებითი ფაქტორიც უნდა დავინახოთ. ტრიბუნების რაოდენობის შემცირებით გაიზრდება სკამებს შორის მანძილი, რაც გულშემატკივარს გადაადგილებას გაუმარტივებს.
 ასევე იგეგმება   განახლდეს სტადიონთან ახლოს მდებარე დახურული აუზი და შენდება ჩოგბურთის კორტებიც. უეჭველია, რომ განახლდება საშხაპეები, დამონტაჟდება თანამედროვე ტაბლო. მოკლედ, სამუშაოები ქუთაისში შესანიშნავ ტემპში მიმდინარეობს და საბოლოოდ  ქუთაისს FIFA-ს სტანდარტების  ოთხვარსკვლავიანი სტადიონი ექნება.
    სტადიონის გახსნას რაც შეეხება, დაგეგმილია ეს დღე აღინიშნოს მატჩით თბილისის ''დინამოსა'' და ადგილობრივ ვეტერანთა შორის, თუმცა არაა გამორიცხული 26 მაისს ქუთაისმა საქართველოს თასის ფინალსაც უმასპინძლოს.
 სარეკონსტრუქციო სამუშაოების დასრულების შემდეგ ქუთაისს ცენტრალური სტადიონი ასეთ სახეს მიიღებს:

www.fanebi.com