წლევანდელ საქართველოს უმაღლეს ლიგაში, რამოდენიმე საკმაოდ საინტერესო, ახალგაზრდა ფეხბურთელი გამოჩნდა. მათ შორისაა ს.კ. "გაგრას" 18 წლის ნახევარმცველი თორნიკე ოქრიაშვილი. ქართულ პრესაში ხშირად იწერებოდა მის შესაძლო ტრანსფერეზე სხვადასხვა უცხოურ კლუბებში. სახელდებოდა ანდერლეხტი, თურქული და გერმანული კლუბები. მათ რიცხს კიდევ ერთი დაემატა. საუბარია, სანკტ-პეტერბურგის "ზენიტზე".

     ამის შესახებ sport-express იუწყება. მათი ინფორმაციით, "ზენიტის" ხელმძღვანელობა განიხილავს ქართველი ნახევარცველის კლუბში მოწვევის საკითხს. არ გამორიცხავენ, რომ მოსკოვის "დინამოც" იყოს აღნიშნული ფეხბურთელით დაინტერესებული, თუმცა ამ უკანასკნელის სპორტულმა დირექტორმა, კონსტანტინე სარსანიამ უარყო საქართველოს ახალგაზრდული ნაკრების წევრის მიმართ დაინტერესების ფაქტი.

რატი ახალაია

goli.ge