ნახევარწლიანი განშორების შემდეგ, საქართველოს ჩემპიონატს დაუბრუნდა
ლევან ხმალაძე - ის კარიერას კვლავ თბილისის "დინამოში" აგრძელებს.
ტალინურ "ფლორასთან" განმეორებითი მატჩის წინ, ქართველ ფეხბურთელს ამ და სხვა საკითხებზე UEFA.com გაესაუბრა.
"გუნდი მნიშვნელოვნად არ შეცვლილა. რამოდენიმე ფეხბურთელმა, ვისთან
ერთადაც მანამდეც ვასპარეზობდი, კლუბი დატოვა. მიუხედავად ამისა, უცნობი
სახეები კლუბში არ აღმომიჩენია - ახლები "დინამოში" არ არიან. "
საქართველოში დაბრუნების შემდეგ, ლევან ხმალძემ პირველი ოფიციალური
მატჩი ევროპის ლიგის პირველ საკვალიფიკაციო ეტაპზე ჩაატარა, ესტონური
"ფლორას" წინააღმდეგ.
"პირველ წუთზე გაშვებულმა გოლმა, ჩვენ სხვა შანსი არ დაგვიტოვა - დიდი
ძალებით უნდა შეგვეტია. ამით კი, მეტოქეს კონტრშეტევების საშუალება
მივეცით. რა თქმა უნდა, უკეთესი იყო გოლი არ გაგვეშვა, მაგრამ რადგანაც
ასე მოხდა, კარგია საბოლოო ჯამში მაინც რომ მოვიგეთ. თუმცა, უმჯობესი
იქნებოდა ორბურთიანი უპირატესობა გვქონოდა."
"დინამოს" გამარჯვებაში არც თუ მცირე წვლილი შეიტანა ლევან ხმალაძემ,
გამოიყენა რა 64-ე წუთზე მისთვის ბოძებული შანსი და თერთმეტმეტრიანის
ნიშნულიდან შესძლო საკუთარი გუნდის დაწინაურება.
"პენალტის რეალიზება არ იყო რთული, მწვრთენლის წინასამატჩო მითითება დამეხმარა."
ტალინური მატჩის წინ, ფეხბურთელმა "დინამოს" შანსებზეც ისაუბრა და
აღნიშნა, რომ ჩვენს ფლაგმანს გააჩნია საკმარისი ძალა, რათა გადალახულ
იქნეს აღნიშნული ბარიერი.
"საპასუხო მატჩის წინ, ეჭვი არ მეპარება ჩვენს ძალებში. გოლზე, პირველ
რიგში, ჩვენმა მეტოქემ უნდა იფიქროს და არა ჩვენ. ადრე, "დინამო" ორჯერ
შეხვდა ევროთასებზე ესტონურ გუნდებს - "TVMK"-ას და "ლევადიას" და ორივე
შემთხვევაში შესძლო წარმატების მიღწევა. იმედია, ამ სასიამოვნო ტრადიციას
გავაგრძელებთ."
goli.ge
|