საქართველოს ეროვნული ნაკრების და თბილისის ”დინამოს” ნახევარმცველი ნახევარწლიანი განშორების შემდეგ კვლავ საქართველოში დაბრუნდა და კარიერას მშობლიურ ”დინამოში” განაგრძობს...

ლევანი უკვე რამოდენიმე დღეა გუნდთან ერთად ვარჯიშობს და მისი დინამოში დარჩენა გადაწყვეტილია, თუმცა კონტრაქტი ჯერ არ გაფორმებულა

- რა იყო ისრაელიდან წამოსვლის მიზეზი და რა ვარიანტები იყო დინამომდე?

- ისრაელში ისე არ აეწყო საქმეები როგორც მინდოდა, ”ჰაპოელის” შემადგენლობაში მხოლოდ 2 შეხვედრა ჩავატარე, შემდეგ კი სერიოზული ტრავმა მივიღე და წამოვედი კიდეც. საქართველოში ბევრი ვარიანტი მქონდა, განსაკუთრებით რუსთავული კლუბი აქტიურობდა, მაგრამ რა თქმა უნდა ”დინამო” ვარჩიე

- რატო გადაწყვიტე მაინცდამაინც ”დინამო”?

- 10 წელია დინამოში ვირიცხები და ძალიან გამიჭირდებოდა დინამოს წინააღმდეგ თამაში

- ”დინამოში” ფინანსური პრობლემებია, სავარაუდოდ სხვა გუნდებში უკეთესი პირობები იქნებოდა, მაგრამ მაინც აქ დაბრუნდი... დასაფასებელია ასეთი საქციელი, ამით დინამოს ქომაგები ძალიან გაახარე

- რა თქმა უნდა, მხოლოდ იმიტომ, რომ სხვა გუნდებს უკეთესი პირობების შექმნა შეუძლიათ არ ნიშნავს, რომ აუცილებლად ყველა იმ გუნდში გადავა ვინც მეტს გადაიხდის...

- რა განწყობით დაბრუნდი დინამოში და რა შეიცვალა ამ ნახევარი წლის განმავლობაში?

- მართლა კარგი განწყობით და იმედებით დავბრუნდი და აქაც ყველა ისე დამხვდა როგორც ველოდი... პირობას გაძლევთ ევროთასებზე ღირსეულად გამოვალთ, მომავალ სეზონში კი უმაღლესი მიზნებისთვის ვიბრძოლებთ. სამწუხაროდ ძველი გუნდიდან ცოტა დავრჩით, მაგრამ ეს ახალგაზრდა ბიჭებიც ყველაფერს გააკეთებენ, რომ კარგად წარმოაჩინონ თავი და რაც შეუძლიათ ისე დაეხმარონ ”დინამოს”.

championat.ge