გასულ უქმეებზე უცხოეთში მოთამაშე ქართველმა ფეხბურთელებმა შეხვედრები გამართეს. გერმანიის ბუნდესლიგის ბოლო ტურის მატჩი კობიაშვილის ”ჰერტამ” ”რეკორდმაისტერთან” 1:3 დათმო, ქართველმა ფეხბურთელმა მოედანზე 90 წუთი დაჰყო. ”ჰერტამ” ცხრილში ბოლო ადგილით ჩაამთავრა ჩემპიონატი.

მეორე ბუნდესლიგაში ითამაშეს მათე ღვინიანიძემ და ალექსანდრე იაშვილმაც. ”მიუნხენ 1860-მა” ”უნიონს” მოუგო 2:0, ხოლო ”კარლსრუემ” ”ფიურიტს” 1:1 ეთამაშა. ღვინიანიძემ სრულად ჩაატარა მატჩი, ხოლო იაშვილი მეორე ტაიმში შეცვალეს.

უკრაინაში ვასილ გიგიაძის ”ტავრია” დონეცკის ”შახტართან” 2:3 დამარცხდა, გიგიაძე მეორე ტაიმში გამოვიდა მოედანზე. მოიგო სანდრო კობახიძის ”კრივბასმა” - ”ზაკარპატიესთან” 3:1. კობახიძე 57-ზე შეცვალეს. გიორგი გაბედავას ”ილიჩევეცმა” ლვოვის ”კარპატთან” ითამაშა ფრე, ”გაბე” მეორე ტაიმში ჩაერთო მატჩში. ფრე ითამაშა უჩა ლობჟანიძის ”დნიპრომაც”, მათ 1:1 ითამაშეს ”ვიორსკლასთან”.

ქვეყნის ჩემპიონობას მიუახლოვდა ლადო დვალიშვილის ჰაიფას ”მაქაბი”. ქართველმა ფორვარდმა 11-ე წუთზე გახსნა ანგარიში და მნიშვნელოვანი წვლილი შეიტანა გუნდის გამარჯვებაში. ”მაქაბიმ” იერუსალიმის ”ბეითარი” 2:1 დაამარცხა, დვალიშვილი 76-ე წუთზე გაიყვანეს მოედნიდან. ზურაბ მენთეშაშვილის ”ჰაპოელმა” კი ფრე ითამაშა თელ ავივის ”მაქაბისთან”. ”მენთეშა” 84-ე წუთზე ჩაერთო მატჩში. პაუზის შემდეგ, "რაანანას" რიგებში ითამაშა დავით დიღმელაშვილმა, ქართველი ფეხბურთელი მოედანზე 82-ე წუთზე შევიდა. მისმა გუნდმა აჰი-ნაზრათის "მაქაბი" 2:0 დაამარცხა.

დავით დევდარიანის ”ორჰუსმა” ”ნორდიესლანდი” 1:0 დაამარცხა, ქართველ ფეხბურთელს შეხევდრაში მონაწილეობა არ მიუღია, ხოლო გიორგი ფოფხაძის ”ვიბორგმა” ფრე ითამაშა   -”ვესტსაილენდთან”. ფოფხაძემ 90 წუთი დაჰყო მოედანზე.

ავსტრიაში ილია კანდელაკის ”შტურმმა” ”რაპიდთან” 1:4 დათმო, კადელაკმა სრულად ჩაატარა შეხვედრა, უნგრეთში ქართველების ”დიორ ეტომ” კი 3:1 მოუგო ”კაპოშვარს”. შეხვედრაში მხოლოდ რატი ალექსიძემ მიიღო მონაწილეობა.

goli.ge