დღეს გაიმართა რუსეთის სუპერთასის მატჩი.პრემიერლიგის გამარჯვებული ყაზანის ''რუბინი''' თასის მფლობელ ''ცსკა''-ს დაუპირისპირდა და მინიმალური სხვაობით 1-0 სძლია. ამრიგად ყაზანურმა კლუბმა ისტორიაში მე-3 ტიტული მოიპოვა,აქამდე ''რუბინს'' ორჯერ ჰქონდა რუსეთის პრემიერლიგა მოგებული. მეტად სასიამოვნოა ის ფაქტი ,რომ ''არმიელებთან'' მნიშვნელოვან გამარჯვებაში თავისი წვლილი ქართველმა ლაშა სალუქვაძემაც შეიტანა.მან აღნიშნულ მატში სრულად ითამაშა.რაც შეეხება ''რუბინში'' მოასპარეზე მეორე ქართველ დავით კვირკველიას _მას ამ მატჩში მონაწილეობა არ მიიუღია. ჯანო ანანიძემ და მოსკოვის "სპარტაკმა" თურქული შეკრების უკანასკნელი სატესტო მატჩი სასტუმრო კემპინსკის მოედანზე ჩაატარეს და ბელგოროდის "სალუტს" უგოლოდ გაეყარნენ. ქართველმა ფეხბურთელმა პირველი ტაიმი ითამაშა და თავი, ისევე როგორც მთელ გუნდს, განსაკუთრებულად არაფრით გამოუჩენია. მოსკოველები სამშობლოში დღეს ბრუნდებიან, მომავალ კვირაში კი სტარტს რუსეთის პრემიერლიგა აიღებს. ინგლისური "რედინგი", რომლის რიგებშიც ქართველი მცველი ზურაბ ხიზანიშვილი გამოდის, ასოციაციის თასისთვის ბრძოლას გამოეთიშა. ჩემპიონლიგის ბინადრები დღეს საკუთარ მოედანზე "ასტონ ვილასთან" 2-4 დამარცხდნენ, მათ ვერაფრით შეძლეს კარეუს შეჩერება, რომელმაც საბოლოოდ ჰეთ–თრიკი შეასრულა და ხაზი გადაუსვა ქვედა დივიზიონის აუტსაიდერთა სათასო იმედებს. ზურას ამ მატჩში მონაწილეობა არ მიუღია, "რედინგის" ფანების ერთ–ერთი ფორუმის ცნობით თბილისიდან ის მცირე ტრავმით დაბრუნდა, რამაც საბოლოოდ არ მისცა მოედანზე გამოსვლის საშუალება.