| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » ივლისი » 13 » კლინტონს ბათუმის სტადიონის ახალი მაკეტი გააცნეს
22:13 კლინტონს ბათუმის სტადიონის ახალი მაკეტი გააცნეს |
პრეზიდენტის რეზიდენციაში
გამოფენილი სტადიონის მაკეტი რადიკალურად განსხვავდება იმ პროექტისგან,
რომლის პრეზენტაციაც ბათუმში, ანგისის სტადიონზე MGO Group-მა 14 ივლისს
გამართა.
MGO Group-ის პარტნიორი ქართული კომპანია "გზის" დირექტორი, მალხაზ დუმბაძე
AdjaraNews-თან საუბარში აცხადებს, რომ ახალი პროექტის მიხედვითაც,
სტადიონი ანგისის ტერიტორიაზე განთავსდება. მისი ინფორმაციით, ახალი მაკეტი
იაპონური ფირმის, TAGO-ს არქიტექტორს, ტაცუია იამამოტოს ეკუთვნის. "ძველ
პროექტთან შედარებით, ახალი სტადიონის მშენებლობა, სავარაუდოდ, უფრო იაფი
დაჯდება, რადგანაც იამამოტოს პროექტის მიხედვით, სტადიონის კონსტრუქცია
გაცილებით მსუბუქი იქნება. ასევე, მოდერნიზება განიცადა სავაჭრო ცენტრმაც,
რომელიც სახეს შეიცვლის. სტადიონთან აუცილებლად განთავსდება სავარჯიშო
მოედანი, რომელიც უეფას სტანდარტებს დააკმაყოფილებს," - განაცხადა მალხაზ
დუმბაძემ.
ახალი მაკეტის შესახებ ინფორმაციას არ ფლობენ აჭარის
ფეხბურთის ფედერაციაში, თუმცა აცხადებენ, რომ სტადიონის მშენებლობა
ოქტომბრიდან დაიწყება.
ძველი მაკეტის მიხედვით, სტადიონი ანგისის
დასახლებაში მდებარე სპორტული კომპლექსის ადგილას უნდა აგებულიყო.
სტადიონთან ერთად იგეგმებოდა სავარჯიშო მოედნის, სავაჭრო ცენტრისა და
100-ნომრიანი სასტუმრო კომპლექსის მშენებლობაც. პროექტის ღირებულება 40
მილიონ ევროს შეადგენდა.
|
|
ნანახია: 1355 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
