ჩვენი საქმე ქართული ფეხბურთია!
                               პარასკევი, 22.09.2017, 20:13


თქვენ შემოხვედით როგორც სტუმარი | ჯგუფი "სტუმრები"მოგესალმებისტუმარიRSS   







მენიუ
შესვლის ფორმა
რეკლამა
ძებნა
ჩათი
სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
Live ანგარიშები
კვირის ვიდეო
კალენდარი
«  აგვისტო 2010  »
ორსამოთხხუთპარშაბკვ
      1
2345678
9101112131415
16171819202122
23242526272829
3031
ჩანაწერების არქივი
  
მთავარი » 2010 » აგვისტო » 25 » ინტერვიუ - რატი წინამძღვრიშვილი: "ნეტავ ვითამაშო და კიდევ ბევრს გავიტან"
16:02
ინტერვიუ - რატი წინამძღვრიშვილი: "ნეტავ ვითამაშო და კიდევ ბევრს გავიტან"
http://www.fczestafoni.ge/images/photos/rati.JPG

წარუმატებელი სტარტის, თბილისში, "დინამოსთან" მატჩის შემდეგ, "ზესტაფონმა" შინ დიდი ანგარიშით მოიგო. გია გეგუჩაძის გუნდმა ცხინვალის "სპარტაკი" "დავით აბაშიძეზე" 4:0 დაამარცხა. გატანილი ოთხი გოლიდან ნახევარი იმერელთა გუნდის ფორვარდ რატი წინამძღვრიშვილის ანგარიშზეა. აღსანიშნავია ის, რომ მიმდინარე სეზონში პირველი დუბლი სწორედ რატის ეკუთვნის. ეროვნულ ჩემპიონატში, ბოლოს რატის გასულ სეზონში, "ვიტ ჯორჯიასთან" 5 მაისის მატჩის შემდეგ აღარ უთამაშია. ვეტერინარებმა ის შეხვედრა 1:0 მოიგეს, წინამძღვრიშვილი კი 43-ე წუთზე დაშავდა, თამაშის გაგრძელება ვეღარ შეძლო და ნიკოლოზ გელაშვილმა შეცვალა.

ახლა, როცა რატი დუბლით დაბრუნდა ჩემპიონატში, ყველას იმედი მიეცა, რომ წინამძღვრიშვილი ჩვეულ ფორმას მალე აღიდგენს. ბევრს აინტერესებს, როდის ვიხილავთ იმ დონეზე მოთამაშე რატის, რომელიც თბილისის "ამერიდან" და ახალგაზრდული ნაკრებიდან გვახსოვს. წინამძღვრიშვილს სწორედ ამ და სხვა საინტერესო თემებზე ვესაუბრეთ.

- რატი, საუბარი ცხინვალის "სპარტაკთან" განვლილი მატჩით დავიწყოთ...
- სამწუხაროდ, თბილისში, "დინამოსთან" ჩატარებულ მატჩში ჩვენთვის დამახასიათებელი თამაში ვერ ვაჩვენეთ და დავმარცხდით, მაგრამ "სპარტაკთან" ჩვეულად ვითამაშეთ და 4:0 მოვიგეთ. თბილისში წაგების შემდეგ, შეიძლება ზოგმა ჩათვალა, რომ მცირე ჩავარდნა გვქონდა, მაგრამ ეს რომ ასე არ იყო, "სპარტაკთან" კიდევ ერთხელ დავამტკიცეთ.

- ცხინვალელთა წინააღმდეგ ბოლო 30 წუთი ითამაშეთ და ორი ბურთის გასატანად ეს დრო იკმარეთ. გოლებს როგორ იხსენებთ?
- პირველი ბურთი მოედანზე შესვლიდან 7 წუთში, ფეხით გავიტანე. სტუმართა მეკარე სოსო გრიშიკაშვილმა კარგად ვერ მოიგერია ბურთი, ყველას დავასწარი და ანგარიში ორამდე გავზარდე. მატჩის დასრულებამდე 10 წუთით ადრე კი, ფლანგიდან კახა ალადაშვილის მაღალი ჩაწოდებისას თავურით შევაგდე ბურთი კარის ბადეში.

- მიმდინარე სეზონში პირველი დუბლი თქვენს ანგარიშზეა. ერთი მატჩი და ორი გოლი, ახალ ჩემპიონატში ჩინებული მონაგარი გაქვთ...
- ბედნიერი ვარ, სხვა რა მეთქმის... ერთსაც აღვნიშნავდი, ამ გოლების შემდეგ უფრო ვირწმუნე საკუთარი თავის და მომდევნო მატჩებში უკეთ ავთამაშდები. ასე რომ, მთავარია, თამაშმა მომიწიოს და კიდევ ბევრ გოლს გავიტან.

- ეროვნულ ჩემპიონატში ბოლოს, გასულ სეზონში, 5 მაისს, 'ვიტ ჯორჯიასთან" მატჩში ითამაშეთ...
- დიახ, ახლაც კარგად მახსოვს ის თამაში. პირველი ტაიმი ვერ ჩავამთავრე, ხელი ამომივარდა და სამწუხაროდ, ოპერაციას ვერ ავცდი. ამ ტრავმის გამო ბევრი გამიცდა. მთავარია, ცუდი პერიოდი უკან მოვიტოვე.

- ახლა როგორ ფორმაში ხართ?
- იდეალურ ფორმაში არ ვარ, მაგრამ აქამდე დიდი დროც არ მჭირდება. ზაფხულის მოსამზადებელი პერიოდი მაქსიმალურად გამოვიყენე. "ზესტაფონში" ახალი ფიზმომზადების მწვრთნელი გვყავს, კარგი სპეციალისტია, ხორვატი ივო კატუშიჩი. მან ძალიან კარგად მომამზადა. ასე რომ, სათამაშო პრაქტიკა მჭირდება და უკვე ჩვეულ კონდიციაში ვიქნები.

- მაინც რამდენ ხანში ვიხილავთ იმ რატი წინამძღვრიშვილს, რომელიც თბილისის "ამერიდან" და ახალგაზრდული ნაკრებიდან გვახსოვს?
- გადაჭრით ვერაფერს გეტყვით... მოდით, ასე გიპასუხებთ, რამდენიმე მატჩში მინდა ვითამაშო და ისევ ძველებურად მოთამაშე რატის იხილავს გულშემატკივარი.

- ეროვნულ ჩემპიონატამდე, ევროპის ლიგის მესამე საკვალიფიკაციო ეტაპზე, ლვოვის "კარპატისთან" საშინაო მატჩში ითამაშეთ...
- დიახ, იმ შეხვედრაშიც ბოლო ნახევარი საათით მომიწია თამაშმა. ალბათ ჩვენი გუნდის შეტევებს მცირედით მაინც შევმატე სიმწვავე, მაგრამ... მიუხედავად იმისა, რომ ძალიან გვინდოდა გოლის გატანა, ეს ვერ შევძელით. შეიძლებოდა, "კარპატის" ბარიერის გადალახვა, მაგრამ არ გაგვიმართლა და ეს ვერ მოვახერხეთ.

- ამ სეზონში ჩატარებულ ორივე ამ შეხვედრაში ნიკოლოზ გელაშვითან ერთად ქმნიდით თავდასხმაში ტანდემს. მასთან კარგად ხართ შეთამაშებული?
- დიახ, მე და ნიკა უსიტყვოდ ვუგებთ ერთმანეთს და მეტოქეებს უჭირს ჩვენს დუეტთან გამკლავება.

- ჯაბა დვალთან ტანდემშიც გიწევთ თამაში?
- დიახ, ეგრეა და იგივე შემიძლია გითხრათ ჯაბაზეც. მასთანაც კარგად ვარ შეთამაშებული და ჩვენი დუეტიც დიდი პრობლემაა მოწინააღმდეგე გუნდებისთვის.

- "ზესტაფონში" ახლა უკეთესი გუნდია თუ წინა სეზონში?
- ალადაშვილის, ფიფიასა და ბაბუნაშვილის შემატებით, დიდი ძალა დაგვემატა. შედარება გამიჭირდება, მაგრამ გასულ სეზონზე უკეთესი თუ არა, ნაკლები შემადგენლობა ნამდვილად არ გვყავს.

- ... და ჩემპიონობისთვის ამ შემადგენლობით იბრძოლებთ?
- შესაძლოა ზამთრის აუზისას კიდევ გავძლიერდეთ. ეს ჩემი საქმე არაა, ამას ხელმძღვანელობა გადაწყვეტს. მთავარია, ჩვენ ისევ მაღალი მიზნებისთვის, ჩემპიონობისა და თასის მოპოვებისთვის ვიბრძოლებთ.

- ბევრი თვლის, რომ ახლა თქვენი დროა, ანუ...
- მაისში ჩემპიონობას ვიზეიმებთ? ძალიან გვინდა და ღმერთის მადლით, იმედია, ასეც იქნება.
- კვირას, 29 აგვისტოს მოქმედ ჩემპიონ "ოლიმპთან" შინ ითამაშებთ...
- კი, კიდევ ერთი რთული მატჩი გველის, მაგრამ მასპინძლები ვართ და გულშემატკივარი უნდა გავახაროთ. ეს თამაში უნდა მოვიგოთ.

- გასული სეზონის შემდეგ, რუსთავის "ოლიმპიც" გვარიანად შეიცვალა. მეტოქეზე რა გვეტყოდით?
- დიახ, "ოლიმპს" თითქმის მთლიანად ახალი შემადგენლობა ჰყავს, მაგრამ, როგორც ჩანს, ახლაც კარგი გუნდია. რუსთაველებმა შინ "დინამო" დაამარცხეს, ეს კი იოლი საქმე არ არის. ჩვენი გუნდის ძლიერებისა მჯერა და ვფიქრობ ამ თამაშს მოვიგებთ.

- დაბოლოს, ახალგაზრდულ ნაკრებში კვლავ გიწევთ თამაში. ხომ ასეა?
- მიმდინარე წლის ბოლომდე კიდევ მაქვს უფლება 21-წლამდელთა ნაკრებში ვითამაშო. თუმცა ტრავმის გამო ბევრი გამიცდა, უკვე მწყობრში ვარ. იმედი მაქვს, კლუბში სათამაშო პრაქტიკა მექნება და თუ მოვასწარი ახალგაზრდულშიც დავბრუნდები.

"ლელო"
ნანახია: 302 | დაამატა: Administrator | რეიტინგი: 0.0/0
სულ კომენტარები: 0
სახელი *:
Email *:
კოდი *:
რეკლამა
რეკლამა
რეკლამა
ქართული ფეხბურთი
www.pexburti.tk
მთვლელები

chat FX online casino rushmore casino Free counters
[ ვინ იყო საიტზე დღეს ]
Block title


http://www.footballimpact.com/wp-content/gallery/logos-equipos/fc-zestafoni.pnghttp://internet.ge/v2/news_images/200908141806.pnghttp://sportall.ambebi.ge/images/stories/photo/qartuli_fexburti/legioners/sioni_medium.jpg
http://internet.ge/v2/news_images/200909162559.jpghttp://cdn.serverloft.de/854060_35/bilder/wappen/mittel/13623.gifhttp://sportall.ambebi.ge/images/stories/photo/qartuli_fexburti/championship/torpedoaxaltaxalismyk_medium.jpg









ქართული ფეხბურთი www.pexburti.tk © 2017
ჩვენი საქმე ქართული ფეხბურთია!