| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » დეკემბერი » 16 » გიყვართ ფეხბურთი?!...
01:41 გიყვართ ფეხბურთი?!... |
ჩემს მეგობარ გენადი ორლოვს აღარ ვუთხარი, რომ საქართველოს ყველა ქალაქსა და რაიონულ ცენტრს თავისი ტელევიზია აქვს და სპორტული კომენტატორებიც ჰყავს.
თუ ჩვენ ახლა ქართულ სპორტულ გაზეთებში და ჟურნალებში მომუშავე საფეხბურთო მიმომხილველებისა და ტელევიზიასა და რადიოში ფეხბურთზე ლაპარაკით გატაცებულთა რაოდენობას გავიხსენებთ, ეჭვიც არ მეპარება – ამ სფეროში მსოფლიო ჩემპიონები ვართ, რასაკვირველია, ქვეყნის მოსახლეობის რაოდენობის გათვალისწინებით.
უნებურად მახსენდება, რომ რამდენიმე ათეული წლის წინ ჩვენს პრესაში წაიკითხავდით: საქართველო მსოფლიოში პირველია 100 000 მცხოვრებზე ექიმთა რაოდენობითო და რა დასამალია, ასეთი ინფორმაცია მაშინ საამაყო იყო.
თითქმის ანალოგიური სიტუაციაა ახლა ფეხბურთში, გავბედავ და ვიტყვი – პოლიტიკაშიც. თუმცა, პოლიტიკა და ფეხბურთი თუ დაშორდება ერთმანეთს უფრო აჯობებს.
ბუნებრივია, რადგან სახლში ტელევიზორიცა და რადიოც გაქვთ, შეგიძლიათ რამდენიც გინდა უსმინოთ და უყუროთ – ვერც ვერავინ დაგიშლით და აგიკრძალავთ (ცოლი და სიდედრი არ მყავს მხედველობაში)! გაზეთსა და ჟურნალს ყიდულობთ – იკითხეთ ბატონო, ეს თქვენი ნებაა.
მაგრამ, თუ სურვილი გაგიჩნდებათ, რომ თავი აარიდოთ დაუოკებელი ფანტაზიისა და გაქანების საფეხბურთო „გურმანებს", რამდენიმე ფაქტს შემოგაშველებთ პროფილაქტიკის მიზნით:
... ხომ გახსოვთ, გაცეცხლებულმა დავით ყიფიანმა ერთხელ ხმამაღლა განაცხადა – წერეთ და იკითხეთო! ამის შემდეგ კიდევ უფრო გადაეკიდნენ. ალბათ ისიც გახსოვთ, მანამდე ალექსანდრე ჩივაძე იყო ამოჩემებული...
...ბათუმიდან დამირეკეს ვეტერანმა ფეხბურთელებმა – რეპორტაჟს ვუყურებთ და ტელევიზორის ფანჯრიდან გადაგდების დიდი სურვილი გვაქვსო. ჩემი ზოგიერთი თბილისელი მეგობრის ნაცადი მეთოდი შევთავაზე: რეპორტაჟის ნახვა გაეგრძელებინათ ქართული მუსიკის თანხლებით. შუაღამისას ისევ დამირეკეს: ახლა მშვენიერ ხასიათზეც ვართ, ტელევიზორიც გადაგვირჩა და წაგების მიუხედავად, ქეიფის სურვილიც გაგვიჩნდაო…
ფეხბურთთან დაკავშირებული ახალი ფილოსოფიის წაყრუების მართლაც მრავალი საშუალება არსებობს. მაგრამ, ისევ და ისევ და შესანიშნავ ფეხბურთელს ჯუმბერ ხაჟალიას არ უნდა დავუკარგოთ ფასდაუდებელი ამაგი:
1964 წლის გაზაფხულზე, როსტოვში, ქუთაისის „ტორპედომ" 0 – 7 წააგო შეხვედრა არმიის სპორტული კლუბის გუნდთან. ამ მატჩის რეპორტაჟი საქართველოს რადიომ გადასცა, ხოლო მეორე დღეს ქუთაისში, ბაღის კიდეზე ფეხბურთის გულშემატკივრები ჯუმბერ ხაჟალიას შემოეხვივნენ და საყვედურებით აავსეს: რა დაგემართათ ჯუბა! გაუშვით ერთი, ორი, სამი... შვიდი რა ამბავია, არ გრცხვენიათ, სიმწრისგან აღარ დაგვეძინაო. ჯუმბერ ხაჟალიას პასუხი ნაღდი ქუთაისური იყო – ნერვებს რაღას იშლიდით, მეოთხე გოლის შემდეგ რადიო უნდა გამოგერთოთო...
თუ ატყობთ, გარშემო ვუტრიალებ სათქმელს, რადგან ვხედავ: ფეხბურთის ცოდნის გამომჟღავნების სურვილი მეტად მოძალებულია დღევანდელ საქართველოში, თუმცა, სიტყვის თავისუფლებას არ ემუქრება საფრთხე – ჩვენი ფეხბურთისაგან განსხვავებით...
დავით ქლიბაძე
|
|
ნანახია: 813 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
