საქართველოს
შინაგან საქმეთა სამინისტროს ოფიციალური ვებ-გვერდი იტყობინება, რომ
ცნობილი ფეხბურთელი, საქართველოს ეროვნული ნაკრების ყოფილი წევრი, გიორგი
დემეტრაძე სამართალდამცავებმა დააკავეს. ქ.თბილისის მთავარი
სამმართველოს და კონტრტერორისტული ცენტრის თანამშრომლებმა ერთობლივად
გატარებული ოპერატიული-საგამოძიებო ღონისძიებების შედეგად ქ.თბილისში
დააკავეს, ქურდული ტრადიციების მატარებლები: დავით გაგნიძე, გიორგი
დემეტრაძე და კახა მისირელი, დაკავების დროს მათგან ამოღებული იქნა
ერთერთი მოქალაქისაგან მიღებული 40 700 აშშ დოლარი, რომელიც მიმდინარე
საფეხბურთო ჩემპიონატთან დაკავშირებით, ე.წ ''მაზით'' 140 000 აშშ
დოლარი მოგებული ჰქონდა დავით ფეიქრიშვილს.
აღნიშნული თანხის ამოსაღებად უკრაინიდან
სატელეფონო საუბრებით ჩაერთო წარსულში ნასამართლევი, ვატო ყიფიანი,
რომელიც დაუკავშირდა თბილისში მყოფ დავით გაგნიძეს, გიორგი დემეტრაძეს და
კახა მისირელს და მათი საშუალებით, ქურდული გარჩევებით ცდილობდა
აღნიშნული თანხის ამოღებას და ნაწილის ე.წ. ,,ქურდულ ობშიაკში''
გადარიცხვას.
ვატო ყიფიანს მოგებული თანხის 30 000
აშშ დოლარი ამოღებული ჰქონდა უკრაინაში და ცდილობდა დარჩენილი თანხის, 40
700 აშშ დოლარის გადაცემას დავით ფეიქრიშვილისთვის, რა დროსაც მოხდა
აღნიშნული პირების დაკავება.
გამოძიება მიმდინარეობს საქართველოს
სსკ-ის 223-ე პრიმა მუხლის 1-ლი ნაწილით. კახა მისირელის პირადი ჩხრეკის
შდეგად ამოღბულია ''გლოკის'' ტიპის ცეცხლსასროლი იარაღი, ხოლო ბინის
ჩხრეკის შედეგად ამოღებულია: ''მაუზერის'' და ''იერიხოს'' ტიპის
ცეცხლსასროლი იარაღები, ხელყუმბარა და საბრძოლო ვაზნები, ხოლო დავით
გაგნიძის პირადი ჩხრეკისას ამოღებულია ცეცხლსასროლი იარაღი და საბრძოლო
ვაზნები. რადგან ვახტანგ ყიფიანი ამჟამად იმყოფება უკრაინაში მას
დაუსწრებლად წარედგინა ბრალდება 223-ე პრიმა მუხლის 1-ლი ნაწილით.
გამოძიებას აწარმოებს ქ.თბილისის მთავარი სამმართველო.
|