| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » ივლისი » 8 » ”დინამომ” პირველი ეტაპი გადალახა
23:00 ”დინამომ” პირველი ეტაპი გადალახა |
8 ივლისი. ტალინი. ლე კოკ არენა
ფლორა: მეერიტსი, ალლასი, პალატუ, კამსი, იურგენსონი, იახიმოვიჩი, მინკენენი (74. ალიკუ), კაზიმირი, კონსა, ლუტსი, დუპიკოვი (46. პოსტი).
სათადარიგოები: ფროლოვი, ტაარი, ვეისი, პალმი, ბეგლარიშვილი.
დინამო: ლორია,
თომაშვილი, კაკუბავა, ხმალაძე, ჯუისი, კოშკაძე, ედნილსონი, თექთუმანიძე
(90+3. გიორგი გველესიანი), კახელიშვილი, რობერტინიო (85. ლექვთაძე),
ვაწაძე (72. მეტრეველი).
სათადარიგოები: შეყრილაძე, მამუჩიშვილი, ლექვთაძე.
გაფრთხილებები: კაზიმირი (21), კამსი (28)
არბიტრი: ი. მოისეიჩუკი (უკრაინა)
აღსანიშნავია,
რომ თბილისის "დინამოს" სათადარიგოთა სკამზე სულ ხუთი ფეხბურთელი იჯდა,
რაც იმას ნიშნავს, რომ 18-კაციანი განაცხადიც ვერ შეივსო. როგორც
შევიტყვეთ, ფრანგულმა კლუბმა "ლე მანმა" თბილისის "დინამოს" გაბონის
ნაკრების მეკარე დიდიე ოვონოს ტრანსფერისთვის განკუთვნილი 700 ათასი ევრო
დღემდე არ ჩაურიცხა და ეტყობა, ამით არის გამოწვეული ფინანსური
პრობლემები, რაზეც დიდი ხანია ლაპარაკობენ...
იძულებულნი ვართ,
დავეყრდნოთ უეფას ოფიციალურ ვებგვერდზე განთავსებულ მიმოხილვას. იქიდან კი
ირკვევა, რომ თბილისელები ევროპის ლიგის შემდეგ ეტაპზე საკმაოდ დიდი
ბრძოლითა და ნერვების წყვეტით გავიდნენ.
მატჩი "დინამოს" შეტევითა
და ედნილსონის უშედეგო დარტყმით დაიწყო. უშედეგო აღმოჩნდა ალეკო კოშკაძის
მიერ შეასრულებული საჯარიმო დარტყმაც. მე-7 წუთზე მასპინძლებმაც შეუტიეს.
ლევან ხმალაძემ ესტონელი ფეხბურთელი მოცელა, საჯარიმო სიიმ ლუტსმა
შეასრულა და მეკარე გიორგი ლორიამ "დინამო" პირველად გადაარჩინა. ისე
ჩანს, თითქოს ტალინში გიორგიმ კარიერის საუკეთესო შეხვედრა ჩაატარა,
რადგან მისი კარგი თამაში რამდენჯერმე აღნიშნეს: ერთ წუთში მან სტუმრები
ოლივერ კონსას დარტყმის შემდეგ გადაარჩინა, 41-ე წუთზე კი ალექსეი
იახიმოვიჩს არ მისცა ანგარიშის გახსნის საშუალება.
"დინამომ"
პირველი სახიფათო მომენტი მე-10 წუთზე შექმნა: "ფლორას" კარში დონალდ
ჯუისმა დაარტყა და ამჯერად კარგი რეაქცია მასპინძლების მეკარე მარკო
მეერიტსმა გამოავლინა. ოთხ წუთშიც ჯუისმა ააცილა მიზანს. მე-19 წუთზე კი
ედნილსონის მიერ კუთხურიდან მოწოდებულ ბურთს კარში გზავნიდა კოშკაძე,
მაგრამ ესეც უშედეგო მცდელობა აღმოჩნდა. მალე ისევ კოშკაძემ იმარჯვა,
საჯარიმო ჯუისს გაუთამაშა, მაგრამ ამ უკანასკნელმა კვლავ უზუსტოდ დაარტყა.
"დინამოს"
მეკარეს ჯაფა არც მეორე ტაიმში აკლდა: 52-ე წუთზე ესტონელთა მწვავე
შეტევას მარკუს იურგენსონი აგვირგვინებდა და ლორიამ თავისიანები კიდევ
ერთხელ გადაარჩინა.
კახა კაჭარავას შეგირდებს კი რეალური საგოლე
მომენტი 59-ე წუთზე ჰქონდათ, მაგრამ ჯუისის დარტყმას მეერიტსი გადაეღობა.
აღსანიშნავია გიორგი თექთურმანიძის შეტევაც.
62-ე წუთზე რობერტინიო
დაჯარიმდა, სიქსტენ კაზიმირის დარტყმა სახიფათო გამოდგა - დინამოელთა
მორიგი მადლობა ლორიას! მეკარემ "დინამო" 75-ე და 79-ე წუთებზეც
გადაარჩინა და ორივეჯერ - ლუტსის გარღვევების შემდეგ.
ოთხი წუთის
განმავლობაში "ფლორამ" სამჯერ მოაწოდა კუთხური, მასპინძლები ბოლო ძალებით
უტევდნენ. ამ დროს, კონტრშეტევაზე ტალინელების დასჯა ჯუისს შეეძლო, მაგრამ
"ფლორას" მეკარემ მშვენიერი რეაქცია გამოავლინა.
საბოლოდ, შეხვედრა 0:0
დასრულდა და შემდეგ წრეში საქართველოს ვიცე-ჩემპიონი გავიდა. მომდევნო
საკვალიფიკაციო ეტაპზე "დინამოს" მეტოქე იქნება შვედური "გეფლე", რომელმაც
ორი მატჩის ჯამში ტურნირიდან ფარერული "რუნავიკი" ("დინამოს" ძველი
ნაცნობი) გააგდო - 2:0, 2:1.
ბუნებრივია, "დინამოს" გამარჯვება
და შემდეგ წრეში გასვლა უნდა მივულოცოთ, მაგრამ ესეც სათქმელია - ქართული
ფეხბურთის დონე ისე დაეცა, ჩვენი საკლუბო ფეხბურთის ფლაგმანს ესტონეთის
გუნდთან ორი მატჩის ჯამში გამარჯვება ძალიან გაუჭირდა.
"ლელო"
|
|
ნანახია: 818 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
