| ჩათი |
| სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
| |
მთავარი » 2010 » ნოემბერი » 15 » ასათიანი ლოკომოტივში აღარ ითამაშებს!
12:26 ასათიანი ლოკომოტივში აღარ ითამაშებს! |
ეროვნული ნაკრების მცველი მალხაზ ასათიანი მოსკოვის "ლოკომოტივს"
დატოვებს. რუსული ვებგვერდების მიერ გუშინ გავრცელებული ინფორმაციები
სწორედ ამაზე მეტყველებს. შეგახსენებთ, რომ მიმდინარე სეზონის
დასრულებასთან ერთად ასათიანსა და რკინიგზელთა კლუბს შორის გაფორმებული
საკონტრაქტო ვადა იწურება და ქართველი მცველი ავტომატურად თავისუფალი
აგენტი ხდება. რა თქმა უნდა, თუ მხარეებს შორის შეთანხმება შედგა, ახალი
ხელშეკრულების გაფორმებაც შესაძლებელია, მაგრამ...
რუსული
წყაროების მტკიცებით, მოსკოვური კლუბის ხელმძღვანელობა ასათიანთან ახალი
კონტრაქტის გაფორმებას არ აპირებს. "ლოკომოტივის" ვიცე-პრეზიდენტმა იური
ბელოუსმა აღნიშნა, რომ ასათიანთან და რომან შიშკინთან კლუბი კონტრაქტს არ
გააგრძელებს.
ცნობისათვის: ასათიანი ქუთაისის "ტორპედოდან" 2003
წელს გადავიდა მოსკოვის "ლოკომოტივში" და დღემდე იქ გამოდის. რამდენიმე
თვით, 2008-09 წლების სეზონში "ლოკომოტივიდან" კიევის "დინამოში" იყო
განათხოვრებული. მალხაზმა რკინიგზელთა გუნდში 123 მატჩი 6 გოლი გაიტანა.
მიმდინარე სეზონში კი "ლოკოში" 20 შეხვედრა ჩაატარა.
როგორც
ხედავთ, ზამთრის პაუზისას ასათიანის ტრანსფერს უნდა ველოდეთ. ბუნებრივია,
საინტერესოა სად გააგრძელებს კარიერას ეროვნული ნაკრების მცველი. ჩვენი
ინფორმაციით, ასათიანით ჰოლანდიური "ვიტესი", პრემიერლიგის ერთი ინგლისური
გუნდი და სამი რუსული კლუბია დაინტერესებული.
რუსულ პრემიერლიგაში
"ლოკომოტივმა" ნოვოსიბირსკის "სიბირს" უმასპინძლა. რკინიგზელები
მინიმალური ანგარიშით იგებდნენ, მაგრამ მატჩის მიწურულს გოლი მიიღეს და
შეხვედრა ფრედ, 1:1 დასრულდა. ამ შეხვედრაში ასთიანმა შეუცვლელად ითამაშა.
მატჩის შემდეგ მალხაზმა "სიბირთან" თამაშზე ილაპარაკა. მოსალოდნელ
ტრანსფერზე კი კონკრეტული არაფერი თქვა:
"დასანანია, მეტოქე
დავჯაბნეთ, მაგრამ მატჩი ვერ მოვიგეთ. არადა, ევროპის ლიგის საგზურისთვის
ბრძოლაში ჩვენმა უშუალო კონკურენტმა ნალჩიკის "სპარტაკმაც" ფრედ ითამაშა.
ნალჩიკელებმა ქულები დაკარგეს და შეგვეძლო მათთვის ცხრილში გაგვესწრო,
მაგრამ ეს არ მოხერხდა.
"სიბირთან" უნდა მოგვეგო, თანაც დიდი
ანგარიშით. ალბათ გვეგონა, რომ 3 ქულა უკვე ჩიბეში გვედო. მატჩის მიწურულს
მოვდუნდით და დავისაჯეთ კიდეც.
ამ ფრის მიუხედავად, გვაქვს შანსი
მეხუთე ადგილზე გავიდეთ და ევროპის ლიგაზე საასპარეზო საგზური მოვიპოვოთ.
ჩემპიონატის დასრულებამდე ორი ტური დარჩა და ამ მიზნისთვის ბოლომდე
ვიბრძოლებთ...
წავალ თუ არა "ლოკომოტივიდან? ჯერ ვერაფერს გეტყვით, თვის ბოლოს სეზონი დასრულდება და ყველაფერი გაირკვევა", - აღნიშნა ასათიანმა.
დავით ცაბაძე
|
|
ნანახია: 738 |
დაამატა: Administrator
| რეიტინგი: 0.0/0 |
|
|
| რეკლამა |
 |
|
|
