როგორც უკვე მოგახსენეთ, ომარ თეთრაძე "ვოლგას" მთავარ მწვრთნელად დაინიშნა, სადც მან ალექსანდრ პობეგალოვი შეცვალა. ამის შესახებ რუსული "СЭ" გუნდის პრეზიდენტს ალექსეი გოიხმანს გაესაუბრა. საუბრის დიდი ნაწილი რათქმაუნდა ომარ თეთრაძეს ეხებოდა. - ბოლო თამაშებში გუნდს არც შედეგი ჰქონდა და არც თამაშის ხარისხი იყო მისაღები, ამიტონ ალექსანდრ პობეგალოვმა თავად გადაწყვიტა კლუბის დატოვება. წარმატებებს ვუსურვებთ მას. - ომარ თეთრაძის გარდა თუ განიხილებოდა სხვა კანდიდატურები? - კი, მაგრამ არჩევანი სწორედ თეთრაძეზე შევაჩერეთ, რომელთანაც ბოლო ორი წელია მეგობრული ურთიერთობა გვაკავშირებს. ჩვენ ვიცოდით რომ მას სხვა გუნდებიც ეპატიჟებოდნენ და ამიტომ მოლაპარაკებებს დაჩქარებული ტემპებით ვაწარმოებდით. შევხვდით პობეგალოვის გადადგომის მეორე დღესვე, ორმოციოდე წუთი ვისაუბრეთ და ხელი ხელს დავურტყით. - ხომ არ გაშინებთ ის ფაქტი რომ თეთრაძეს მწვრთნელობის დიდი გამოცდილება არ აქვს?- სამაგიეროდ მას სოლიდური სკოლა ფეხბურთელობისას აქვს გავლილი, მარტო "რომა" რად ღირს! თან ნუ დაგვავიწყდება რომ მან ანჟი პირველი დივიზიონიდან პრემიერ-ლიგაში დააწინაურა. ეს რა მცირე მიღწევაა? - თეთრაძემ თქვა რომ "კამაზთან" მატჩში გუნდს სერგეი პერედნია მოამზადებს. -ომარს უნდა რომ ჯერ გვერდიდან დააკვირდეს ბიჭებს, თუმცა გუნდის ცხოვრებაში ის უკვე იღებს აქტიურ მონაწილეობას. - როდის იქნებიან შეყვანილი "ვოლგას" განაცხადში ომარ თეთრაძე და მისი თანაშემწე არტურ პაგაევი? -15 მაისს. "კამაზთან" კი ისინი თამაშს ტრიბუნიდან დააკვირდებიან. როლანდ გაფრინდაშვილი championat.ge
|